01:56 AM, 8 Monday March 2021

రాష్ట్రంలో ముఖ్య‌మంత్రి దారిద్ర్య నిర్మూల‌నా య‌జ్ఞాన్ని ప్రారంభించారు

● జిల్లాలో చారిత్ర‌క ఘ‌ట్టం ఆవిష్కృతమైంది
● స‌మ‌స్య‌ల‌ను క‌ళ్ల‌తో ప‌రిక‌రించి.. మ‌న‌సుతో ప‌రిష్క‌రించే సీఎం జగన్
● పేద‌ల ఇళ్ల‌కు నేరుగా రేష‌న్ స‌రుకుల‌ను పంపిణీ
● బీసీ సంక్షేమ శాఖా మంత్రి చెల్లుబోయిన శ్రీనివాస వేణుగోపాల‌కృష్ణ వ్యాఖ్య‌

కాకినాడ సిటీ, విశ్వంవాయిస్ న్యూస్ డెస్క్ :

మ‌న‌సున్న ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డి తీసుకున్న నిర్ణ‌యంతో తూర్పుగోదావ‌రి జిల్లాలో పేద‌ల‌కు ఇంటింటికీ నాణ్య‌మైన రేష‌న్ స‌రుకుల‌ను అంద‌జేసే 1076 వాహ‌నాల ప్రారంభోత్స‌వ కార్య‌క్ర‌మం రూపంలో ఓ చారిత్ర‌క ఘ‌ట్టం ఆవిష్కృత‌మైంద‌ని రాష్ట్ర బీసీ సంక్షేమ శాఖా మంత్రి చెల్లుబోయిన శ్రీనివాస వేణుగోపాల‌కృష్ణ పేర్కొన్నారు. గురువారం కాకినాడ‌లోని రంగ‌రాయ మెడిక‌ల్ కాలేజీ వ‌ద్ద సంచార పౌర‌స‌ర‌ఫ‌రా స‌రుకుల పంపిణీ వాహ‌నాల (ఎండీయూ) ప్రారంభోత్స‌వ ప్ర‌త్యేక కార్య‌క్ర‌మంలో ఎంపీ వంగా గీతా, క‌లెక్ట‌ర్ డి.ముర‌ళీధ‌ర్‌రెడ్డి, ఎస్‌పీ అద్నాన్ న‌యీం అస్మీ, ‌ఎంఎల్‌సీ పండుల ర‌వీంద్ర‌బాబు, జాయింట్ క‌లెక్ట‌ర్లు డా. జి.ల‌క్ష్మీశ‌, కీర్తి చేకూరి, జి.రాజ‌కుమారి, ఇత‌ర ప్ర‌జాప్ర‌తినిధులు, అధికారుల‌తో క‌లిసి మంత్రి చెల్లుబోయిన శ్రీనివాస వేణుగోపాల‌కృష్ణ పాల్గొన్నారు. స‌ర్వ‌మ‌త ప్రార్థ‌న‌లు, వాహ‌న పూజ అనంత‌రం వాహ‌నాల‌ను జెండా ఊపి ప్రారంభించారు. వాహ‌నాల ల‌బ్ధిదారుల‌కు ఉప‌యోగ‌ప‌డే 106 పేజీల ఇంటి వ‌ద్ద‌కే నిత్యావ‌స‌ర స‌రుకుల పంపిణీ క‌ర‌దీపిక‌ను ఆవిష్క‌రించారు. ఈ సంద‌ర్భంగా ఏర్పాటు చేసిన స‌భ‌లో మంత్రి వేణుగోపాల‌కృష్ణ మాట్లాడుతూ.. స‌మ‌స్య‌ల‌ను క‌ళ్ల‌తో ప‌రిక‌రించి.. మ‌న‌సుతో ప‌రిష్క‌రించే ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డి అని పేర్కొన్నారు. 20 మాసాల ప‌రిపాల‌నా కాలంలో ప‌రిపాల‌నా విశిష్టిత‌ను చాటేలా ఎన్నో కార్య‌క్ర‌మాల‌ను అమ‌లుచేసి చూపార‌ని కొనియాడారు. రాజ‌కీయం అంటే ద‌ర్పం ప్ర‌ద‌ర్శించ‌డానికి కాద‌ని.. .. ప్ర‌జ‌ల జీవితాల‌ను బాగుచేయ‌డం కోస‌మేన‌ని నిరూపించార‌న్నారు. పాల‌కుడిని కాదు.. సేవ‌కుడిని.. అని భావిస్తూ ప్ర‌జా సేవ‌కు ముఖ్య‌మంత్రి అంకిత‌మ‌వుతున్నార‌న్నారు. రేష‌న్ స‌రుకులు తెచ్చుకునేందుకు వృద్ధులు, విక‌లాంగులు, కూలీలు ప‌డుతున్న క‌ష్టాల‌ను త‌న 3,648 కి.మీ. సుదీర్ఘ పాద‌యాత్రలో క‌ళ్లారా చూసి, ఆ స‌మ‌స్య ప‌రిష్కారానికి ఇప్పుడు ఇంటింటికీ రేష‌న్ స‌రుకుల పంపిణీ కార్య‌క్ర‌మాన్ని ముఖ్య‌మంత్రి ప్రారంభించార‌ని వివ‌రించారు. గ‌తంలో రేష‌న్‌కార్డు కావాలంటే సంవ‌త్స‌రాలు ప‌ట్ట‌దేని, అదే ఇప్పుడు అర్హుల‌కు ‌ప‌ది రోజుల్లోనే రైస్‌కార్డు అందిస్తున్నార‌న్నారు. రాష్ట్రంలో ముఖ్య‌మంత్రి దారిద్ర్య నిర్మూల‌నా య‌జ్ఞాన్ని ప్రారంభించార‌ని.. ఈ య‌జ్ఞంలో భాగ‌మే సంచార వాహ‌నాల ప్రారంభ‌మని పేర్కొన్నారు. ప‌ర‌బ్ర‌హ్మ స్వ‌రూప‌మైన అన్నాన్ని అందించే అవ‌కాశాన్ని వాహ‌నాల ల‌బ్ధిదారులు స‌ద్వినియోగం చేసుకోవాల‌ని సూచించారు. ఈ మొత్తం కార్య‌క్ర‌మం విజ‌య‌వంత‌మ‌య్యేందుకు కృషిచేసిన క‌లెక్ట‌ర్‌, జాయింట్ క‌లెక్ట‌ర్లు, ఇత‌ర అధికారుల బృందానికి మంత్రి అభినంద‌న‌లు తెలియ‌జేశారు. ల‌బ్ధిదారుల‌కు పూర్తిస్థాయిలో ఫ‌లాలు అందేలా సంక్షేమ కార్య‌క్ర‌మాల‌ను అందిస్తున్న ఘ‌న‌త ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డికే చెందుతుంద‌ని కాకినాడ ఎంపీ వంగా గీత పేర్కొన్నారు. ఓ వైపు నిరుద్యోగ యువ‌తకు సుస్థిర జీవ‌నోపాధి మార్గాన్ని చూపించ‌డంతో పాటు మ‌రోవైపు పేద‌ల ఇళ్ల‌కు నేరుగా రేష‌న్ స‌రుకుల‌ను పంపిణీ చేసే ఉన్న‌త కార్య‌క్ర‌మానికి ముఖ్య‌మంత్రి శ్రీకారం చుట్టార‌న్నారు.
ఇదో గొప్ప కార్య‌క్ర‌మం: క‌లెక్ట‌ర్ డి.ముర‌ళీధ‌ర్‌రెడ్డి
గ‌తంలో ఎప్పుడూ చూడ‌ని విధంగా.. భ‌విష్య‌త్తులో ఎవ‌రూ చేయ‌ని విధంగా గొప్ప కార్య‌క్ర‌మాల‌ను ప్ర‌భుత్వం అమ‌లుచేస్తోంద‌ని.. క‌లెక్ట‌ర్ డి.ముర‌ళీధ‌ర్‌రెడ్డి పేర్కొన్నారు. ఆరోగ్య‌శ్రీ విస్త‌ర‌ణ కార్య‌క్ర‌మం, ‌వ‌లంటీర్ వ్య‌వ‌స్థ‌, ఇంటింటికీ రేష‌న్ స‌రుకుల పంపిణీ వంటి కార్య‌క్ర‌మాలు దీనికి నిద‌ర్శ‌న‌మ‌న్నారు. మొబైల్ డిస్పెన్స‌రీ యూనిట్ల ప్రారంభ కార్య‌క్ర‌మం విజ‌య‌వంత‌మ‌య్యేందుకు ముగ్గురు జాయింట్ క‌లెక్ట‌ర్లు, ‌బీసీ, ఈబీసీ, ఎస్‌సీ, ఎస్‌టీ, మైనారిటీ కార్పొరేష‌న్ల ఈడీలు, బ్యాంక్ ఆఫ్ బ‌రోడా బ్రాంచ్‌ల మేనేజ‌ర్లు స‌మ‌ష్టిగా కృషిచేశార‌న్నారు. 1076 మంది ల‌బ్ధిదారుల‌ను గుర్తించ‌డంలో ప్ర‌జాప్ర‌తినిధులు ఎంతో స‌హ‌కార‌మందించార‌ని పేర్కొన్నారు. ఫిబ్ర‌వ‌రి ఒక‌టో తేదీ నుంచి ఇంటింటికీ రేష‌న్ స‌రుకుల పంపిణీ ప్రారంభ‌మ‌వుతుంద‌ని.. ఈ నేప‌థ్యంలో మండ‌ల స్థాయిలో వాహ‌నాల ల‌బ్ధిదారుల‌కు శిక్ష‌ణ కార్య‌క్ర‌మాలు నిర్వ‌హించ‌నున్న‌ట్లు తెలిపారు. ప్ర‌స్తుతం ప్ర‌జ‌లు గ్రామ‌, వార్డు వ‌లంటీర్ల‌ను త‌మ కుటుంబ స‌భ్యుల్లా చూస్తున్నార‌ని.. ఇదే విధంగా పేద‌లు వాహ‌న ల‌బ్ధిదారుల‌ను త‌మ సొంత కుమారుడు లేదా కుమార్తె మాదిరి చూసుకునే ప‌రిస్థ‌తి రావాల‌ని సూచించారు. బియ్యం మోయ‌లేక క‌ష్ట‌ప‌డుతున్న వృద్ధులు, విక‌లాంగుల మ‌న‌సుల్లో స్థానం సంపాదించాల‌ని క‌లెక్ట‌ర్ ముర‌ళీధ‌ర్‌రెడ్డి ఆకాంక్షించారు. ల‌బ్ధిదారుల‌కు శుభాకాంక్ష‌లు తెలిపారు. ప్ర‌భుత్వం ప్ర‌వేశ‌పెట్టిన ప్ర‌తిష్టాత్మ‌క కార్య‌క్రమంలో భాగ‌స్వాములైనందుకు చాలా సంతోషంగా ఉంద‌ని జిల్లా ఎస్‌పీ అద్నాన్ న‌యీం అస్మీ పేర్కొన్నారు. వాహ‌నాల ల‌బ్ధిదారుల‌కు శుభాకాంక్ష‌లు తెలియ‌జేశారు.
జాయింట్ క‌లెక్ట‌ర్ల అద్భుత కృషికి నిద‌ర్శ‌నం
ఇంటింటికీ రేష‌న్ స‌రుకుల‌ను పంపిణీ చేసే వాహ‌నాల ప్రారంభోత్స‌వ కార్య‌క్ర‌మాన్ని విజ‌య‌వంతం చేసేందుకు ‌జేసీ (రెవెన్యూ) డా. జి.ల‌క్ష్మీశ‌, జేసీ (అభివృద్ధి) కీర్తి చేకూరి, జేసీ (సంక్షేమం) జి.రాజ‌కుమారి విశేష కృషిచేశారు. నియోజ‌క వ‌ర్గాల వారీగా వాహ‌నాల ప్రారంభానికి ప‌టిష్ట కార్యాచ‌ర‌ణ రూపొందించారు. పౌర‌స‌ర‌ఫ‌రా సంచార వాహ‌నాల ప‌థ‌కాన్ని జేసీ డా. జి.ల‌క్ష్మీశ క్షుణ్నంగా వివ‌రించారు. ఓ యూనిట్ విలువ రూ.5,81,190 కాగా.. 60 శాతం (రూ.3,48,714) మేర కార్పొరేష‌న్ స‌బ్సిడీ అందిస్తున్న‌ట్లు తెలిపారు. ప్ర‌తి వాహ‌నానికి ఓ వీఆర్‌వోను అనుసంధానించామ‌న్నారు. దాదాపు 16 ల‌క్ష‌ల 24 వేల రైస్‌కార్డుదారుల‌కు అత్యంత పార‌ద‌ర్శ‌కంగా స‌రుకులను ఇంటింటికీ పంపిణీ చేయ‌నున్న‌ట్లు జేసీ వివ‌రించారు. ప్ర‌తి నెలా వాహ‌న ల‌బ్ధిదారుని ఖాతాలో నేరుగా రూ.16 వేలు జ‌మ‌చేయ‌డం జ‌రుగుతుంద‌ని వెల్ల‌డించారు.
ఎంఎల్‌సీ పండుల ర‌వీంద్ర‌బాబు; కాకినాడ పట్టణం, పి.గన్నవరం శాస‌న‌స‌భ్యులు ద్వారంపూడి చంద్రశేఖర్ రెడ్డి, కొండేటి చిట్టిబాబు; ‌మాల కార్పొరేష‌న్ ఛైర్‌ప‌ర్స‌న్ పెద‌పాటి అమ్మాజీ కార్య‌క్ర‌మాన్ని ఉద్దేశించి ప్ర‌సంగించారు. ఈ కార్య‌క్ర‌మంలో రాజోలు, రాజానగరం శాసనసభ్యులు రాపాక వరప్రసాద్, జక్కంపూడి రాజా, మత్స్యకార, గాండ్ల కార్పొరేష‌న్‌ల ఛైర్మ‌న్లు బంధన హరి, సంకిశ భవాని ప్రియ, కాకినాడ న‌గ‌ర పాల‌క సంస్థ కమిషనర్ స్వప్నిల్ దినకర్ పుండ్కర్, అడిష‌న‌ల్ ఎస్‌పీ క‌ర‌ణం కుమార్‌, అమలాపురం, రాజమహేంద్రవరం సబ్ కలెక్టర్లు హిమాన్షు కౌశిక్, అనుపమ అంజలి, ట్రైనీ కలెక్టర్ అపరాజితా సింగ్, డీఆర్‌వో సీహెచ్ సత్తిబాబు, చింతూరు ఐటీడీఏ పీవో ఎ.వెంకటరమణ, డీఎం సివిల్ సప్లయిస్ ఇ.లక్ష్మీరెడ్డి, డీఎస్‌వో పి.ప్రసాద్‌రావు, జెడ్పీ సీఈవో ఎన్వీవీ స‌త్య‌నారాయ‌ణ‌, ఎస్సీ, ఎస్టీ, బీసీ, మైనారిటీ కార్పొరేషన్ల ఎగ్జిక్యూటివ్ డైరెక్టర్లు, అధికారులు జీఎస్ సునీత, సూర్యనారాయణ, ఎస్వీఎస్ సుబ్బలక్ష్మి, పీఎస్ ప్రభాకర్‌రావు; కాకినాడ, రంపచోడవరం ఆర్డీవోలు ఏజీ చిన్నికృష్ణ, ఎస్ఎన్ నాయక్, బ్యాంక్ ఆఫ్ బరోడా జిల్లా సమన్వయకర్త శంకర్‌రావు, ‌మారుతి సుజుకి, టాటా మోటార్స్ కంపెనీల ప్రతినిధులు లక్ష్మీకాంత్, ఎమ్వీఎస్ గంగాధర్, ఇతర అధికారులు తదితరులు పాల్గొన్నారు.

ఆంధ్రప్రదేశ్

తెలంగాణ

ప్రధాన వార్తలు

Join Our Telegram Group
#
#
#