RAMACHANDRAPURAM, Dr. B.R. Ambedkar Konaseema (VISWAM VOICE DESK):
డాక్టర్ బి.ఆర్. అంబేద్కర్ కోనసీమ జిల్లా రామచంద్రపురం మోడరన్ డిగ్రీ కాలేజీలో దిశా / జనకళ్యాణ్ వెల్ఫేర్ సొసైటీ, అమలాపురం వారి ఆధ్వర్యంలో విద్యార్థుల కోసం హెచ్ఐవీ/ఎయిడ్స్పై ఇంటెన్సిఫైడ్ ఐ.ఇ.సి క్యాంపెయిన్ అవగాహన కార్యక్రమం నిర్వహించారు. జాతీయ ఎయిడ్స్ నియంత్రణ సంస్థ, ఆంధ్రప్రదేశ్ రాష్ట్ర ఎయిడ్స్ నియంత్రణ సంస్థ సూచనలతో డిస్ట్రిక్ట్ ఇంటిగ్రాటెడ్ స్ట్రాటెజీ ఫర్ హెచ్ఐవీ/ఎయిడ్స్ (దిశా) ఆధ్వర్యంలో కళాశాల ప్రిన్సిపాల్ పి. వెంకటేశ్వర్లు అధ్యక్షతన ఈ కార్యక్రమం జరిగింది.
ఈ కార్యక్రమానికి ముఖ్య అతిథిగా విచ్చేసిన దిశా అమలాపురం క్లస్టర్ ప్రివెన్షన్ ఆఫీసర్ జి. రామానాయుడు మాట్లాడుతూ, సమిష్టి అవగాహన మరియు సరైన చికిత్స ద్వారా హెచ్ఐవీని నివారించవచ్చని తెలిపారు. అంతేకాకుండా హెచ్ఐవీ/ఎయిడ్స్ వ్యాపించే విధానాలు, నివారణ మార్గాలు, చికిత్స విధానాలు మరియు తీసుకోవాల్సిన జాగ్రత్తలను వివరించారు. అనుమానాల నివృత్తి కొరకు 1097 టోల్ ఫ్రీ నంబర్ను సంప్రదించాలని సూచించారు. అనంతరం ఏపీసాక్స్ ముద్రించిన ఐ.ఇ.సి మెటీరియల్ను విద్యార్థులకు అందజేశారు.
- ఈ కార్యక్రమంలో మోడరన్ డిగ్రీ కాలేజీ అధ్యాపక బృందం, జనకళ్యాణ్ వెల్ఫేర్ సొసైటీ ప్రివెన్షన్ యూనిట్ ప్రాజెక్ట్ మేనేజర్ జి. శ్రీను, ఔట్రీచ్ వర్కర్ ఆలపాటి దొరబాబు, పీర్ ఎడ్యుకేటర్ గెడ్డం లక్ష్మి మరియు అధిక సంఖ్యలో విద్యార్థులు పాల్గొన్నారు