విశ్వంవాయిస్ న్యూస్ డెస్క్, అమలాపురం:
*శ్రీ నరహరిశెట్టి వెంకట్రావు
జూనియర్ కళాశాలను సందర్శించిన శాసనసభ్యులు కొండేటి చిట్టిబాబు*
అమలాపురం విశ్వం వాయిస్ న్యూస్:-
శ్రీ నరహరిశెట్టి వెంకట్రావు జూనియర్ కళాశాలను శాసనసభ్యులు అయిన కొండేటి చిట్టిబాబు సందర్శించారు. ఈ సందర్భంగా కళాశాల ప్రిన్సిపల్ అయినా డి. శ్రీనివాసరావు మాట్లాడుతూ తమ కళాశాల నేటి నుంచి ప్రభుత్వ కళాశాల గా మార్పు చెందిందని, దాని కొరకు కృషిచేసిన ఎమ్మెల్యే కొండేటి చిట్టిబాబును కళాశాల ప్రిన్సిపల్ అయినా డి శ్రీనివాస్ రావు, బి.సామ్ ఏ బిల్, బి.రఘు పూల మాలతో ఎమ్మెల్యేను సన్మానించారు. ఈ సందర్భంగా ఎమ్మెల్యే విద్యార్థులను ఉద్దేశించి మాట్లాడుతూ నేను కూడా గవర్నమెంట్ కళాశాలలో చదువుకున్నాను అని గవర్నమెంట్ కళాశాలలో తక్కువ ఫీజులతో విద్యను అభ్యసించవచ్చని అమ్మఒడి తదితర ప్రభుత్వ పథకాలను పొందవచ్చు అని అన్నారు. నాడు నేడు కార్యక్రమం కూడా ఈ కళాశాలకి వర్తించేలా కృషి చేస్తానని హామీ ఇచ్చారు. ఈ కార్యక్రమంలో స్థానిక జెడ్పిటిసి గున్నవరపు శ్రీనివాసరావు మండల ఉపాధ్యక్షులు వారా నరసింహారామ్ , భయ్యా
చినబాబు, సిరిపల్లి సర్పంచ్ కే .సత్యవతి , సిద్ధి వినాయక దేవస్థాన చైర్మన్ నంబూరి వెంకటరమణరాజు ఇతర ఎంపీటీసీ సభ్యులు, సర్పంచులు స్థానిక నాయకులు, విద్యార్థినీ విద్యార్థులు పాల్గొన్నారు. ఇదే ప్రాంగణంలో ఉన్న డిగ్రీ కళాశాలని ప్రభుత్వం కూడా తీసుకున్నట్లు ప్రోత్సహించాలని డిగ్రీ స్టాప్ విజ్ఞాపన పత్రాన్ని ఎమ్మెల్యేకు అందించారు.