విశ్వంవాయిస్ న్యూస్, తాళ్ళరేవు:
తాళ్ళరేవు మండలంలోని అటవీ శాఖ ఆధ్వర్యంలో పర్యావరణ పరిరక్షణ అనే కార్యక్రమం పై అవగాహన కార్యక్రమం నిర్వహించడం జరిగింది. ఈ కార్యక్రమంలో భాగంగా ప్లాస్టిక్ నియంత్రణ, ప్రకృతి పర్యావరణ పరిరక్షణపై అవగాహన కల్పించారు అటవీశాఖ అధికారులు. కోరంగి స్థానిక సర్పంచ్ వెయ్యల మంగేష్ శ్రీనివాస్ ఆధ్వర్యంలో ఈ కార్యక్రమం జరిగింది. ఈ కార్యక్రమంలో భాగంగా కోరంగి గ్రామం నుండి సీతారాంపురం గుడ్డివాని తూము సెంటర్ వరకు ప్లాస్టిక్ సేకరించి అనంతరం వ్యాపారస్తులకు సిటిజనులకు అవగాహన కల్పించే కార్యక్రమంలో భాగంగా దుకాణ యజమానులకు అవగాహన కల్పించారు. ఈ కార్యక్రమంలో అటవీశాఖ సిబ్బంది స్థానిక నాయకులు పాల్గొన్నారు.