ముఖ్య అతిథిగా హాజరైన కిర్లంపూడి మండల జనసేన అధ్యక్షుడు ఉలిసి ఐరాజ్ మరియు కాప్స్ రాక్స్ సభ్యుడు మద్దూరి సత్యనారాయణ
జగ్గంపేట నియోజకవర్గం కిర్లంపూడి మండలం గోనేడ గ్రామంలో బడుగు, బలహీన వర్గాల ఆశాజ్యోతి, కాపు ఉద్యమ నాయకుడు స్వర్గీయ వంగవీటి మోహనరంగా 78వ జయంతి వేడుకలు శుక్రవారం ఘనంగా నిర్వహించారు.ఈ సందర్భంగా వంగవీటి మోహనరంగా విగ్రహానికి పూలమాలలు వేసి ఘన నివాళులు అర్పించారు. ఈ కార్యక్రమానికి ముఖ్య అతిథిగా హాజరైన జనసేన కిర్లంపూడి మండల అధ్యక్షుడు ఉలిసి ఐ రాజ్ మాట్లాడుతూ, వంగవీటి రంగా సామాజిక సమానత్వానికి, కాపు సమాజ హక్కుల కోసం జీవితాన్ని అర్పించిన మహానేత అని పేర్కొన్నారు.కాప్ రాక్స్ సభ్యుడు మద్దూరి సత్యనారాయణ మాట్లాడుతూ, స్వర్గీయ వంగవీటి మోహన్ రంగ త్యాగాలు యువతకు ప్రేరణగా నిలుస్తాయని, ఆయనే కాపు సమాజ అభ్యున్నతికి మార్గదర్శి అని చెప్పారు. ఈ కార్యక్రమం లో గ్రామస్తులు, కాపు సంఘాల నాయకులు, అభిమానులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.
