ముస్లిం జె ఏ సీ ఎవరికి లాభం కోసం…

మండపేట ముస్లిం జె ఏ సి ఎవరికి లాభం కోసం ఏర్పాటు అయిందో ముస్లిం లకు చెప్పాలని షేక్ కార్పొరేషన్ మాజీ డైరెక్టర్ షేక్ అలీఖాన్ బాబా ప్రశ్నించారు. ముస్లిం మైనార్టీ ల సమస్యలపై ఏదైనా సాధించారా అంటూ నిలదీశారు.ఎన్నికల ముందు ముస్లిం లకు అవసరమైన స్మశాన వాటికకు స్తలం ఇస్తామని ఇచ్చిన హామీనీ  సాధించారా అంటూ ఆయన ప్రశ్నించారు. అధికార పార్టీకి అనుకూలంగా పనిచేసేందుకు ఏర్పాటు  చేసుకున్నారా అని ఆయన ప్రశ్నించారు.జేసియా ముస్లిం హక్కుల గురించి పోరాడే ఆలోచన చేయాలని డిమాండ్ చేశారు. గత ఎన్నికల్లో కూటమి నాయకులు ఖాబరస్తాన్ ఇస్తామని హామీ ఇచ్చారన్నారు.  దానిపై పోరాటం చేయాలని కోరారు. దేశవ్యాప్తంగా  ముస్లిం లకు వ్యతిరేకం గా బిజెపి వక్ఫ్ బోర్డు బిల్లు ప్రవేశ పెడితే  దానిపై ఈ మండపేట జేఏసీ నాయకులు కానీ మండపేటలో ఉన్న నాలుగు మసీదుల్లో ఉన్న కమిటీ సభ్యులు కానీ  స్పందించకపోవడం  హాస్యాస్పదంగా  వుందని ఎద్దేవా చేశారు. ఏదో రాజకీయ లబ్ధి కోసం ఈ జేఏసీ ఏర్పాటు చేసినట్లు ఉందన్నారు. జేఏసీ ఏర్పాటు చేసి ముందు నాలుగు మసీదులు వున్న జమాత్( ప్రజలను) కూర్చోబెట్టి చర్చించి జేఏసీ సభ్యులు ఎన్నుకోవాలన్నారు. ఏదో నలుగురు మసీదు కమిటీలు కూర్చుని ఒక జేఏసీగా ఏర్పడడంపద్ధతి కాదన్నారు. జేఏసీ అంటే ముస్లిం హక్కుల పరిరక్షణ కోసం పార్టీలకు, జమాత్ లకు అతీతంగా ముస్లిం హక్కుల కోసం పోరాడితే చాలా సంతోషమని పేర్కొన్నారు.ఈ జేఏసీఅధికార పార్టీకి అనుకూల వర్గం లా వుందని విమర్శించారు.పార్టీలు పక్కన పెట్టి జమాత్ లు పక్కన పెట్టి ఒక జేఏసీగా ఏర్పడాలనుకున్నప్పుడు నాలుగు మజిద్ లలో సాధారణ ముస్లిం లను సమావేశం నిర్వహించి ఒక జేఏసీగా ఎన్నుకుంటే మంచిదనీ హితవు పలికారు.