హైదరాబాద్‌లో కోనసీమ సెంటర్ ఫర్ మైగ్రేషన్ బృందం పర్యటన
కోనసీమ సెంటర్ ఫర్ మైగ్రేషన్ ) ను మరింత బలోపేతం చేయడం, వలస కార్మికులకు సంబంధించిన సమస్యల పరిష్కారం కోసం డిఆర్ఓ కె. మాధవి నేతృత్వంలో కే సి ఎం బృందం హైదరాబాద్‌లోని రీజినల్ పాస్పోర్ట్ ఆఫీస్ (ఆర్ పి ఓ మరియు ప్రొటెక్టర్ ఆఫ్ ఇమిగ్రెంట్స్ (పి ఓ ఈ కార్యాలయాలను మర్యాదపూర్వకంగా సందర్శించింది.
ముందుగా రీజినల్ పాస్పోర్ట్ ఆఫీసర్ శ్రీమతి జె. స్నేహజ గారిని కలిసిన బృందం, పాస్‌పోర్ట్‌కు సంబంధించిన పలు సందేహాలను వివరణాత్మకంగా తెలుసుకుంది. ఆఫీస్ పరిధిలో పాస్పోర్ట్ జారీ ప్రక్రియ, ఎదురయ్యే సమస్యలు, దరఖాస్తుదారులకు సులభతరమైన మార్గాలు వంటి అంశాలపై ఎలవర్తి రాహుల్, సెక్షన్ ఆఫీసర్, అవగాహన కార్యక్రమం నిర్వహించారు.
తదుపరి బృందం ప్రొటెక్టర్ ఆఫ్ ఇమిగ్రెంట్స్ శ్రీ ఆనంద్ దేవులపల్లి ని కలిసింది. ఈ సందర్భంగా డాక్టర్ బి.ఆర్. అంబేద్కర్ కోనసీమ జిల్లాలో ఏర్పాటు చేసిన కోనసీమ సెంటర్ ఫర్ మైగ్రేషన్ కార్యకలాపాలను ఆయనకు వివరించారు. వీసా దుర్వినియోగం, అనధికారిక ఏజెంట్ల వల్ల వలస కార్మికులు ఎదుర్కొనే సమస్యలు, వారి డేటా సేకరణ, విదేశాల్లో మరణించిన వారి బీమా క్లెయిమ్‌లు, పాస్పోర్ట్ లేని వారి పార్థివదేహాల రవాణా విధానాలు, అలాగే అధీకృత రిక్రూటింగ్ ఏజెంట్ల రిజిస్ట్రేషన్ అర్హతలు వంటి అంశాలపై చర్చలు జరిగాయి.
అసిస్టెంట్ పి ఓ ఈ వి గకూడా వలస విధానాలపై ప్రత్యేక అవగాహన కార్యక్రమాన్ని నిర్వహించి కే సి ఎం బృంద సభ్యుల సందేహాలను నివృత్తి చేశారు.
ఈ పర్యటనలో కే సి ఎం సమన్వయకర్త జి. రమేష్, కె. సత్తిబాబు, ఎస్.బి. సఫియా, దుర్గ అమ్మాజీ పాల్గొన్నారు.
కే సి ఎం బృందం ఈ పర్యటన ద్వారా వలస కార్మికుల సమస్యల పరిష్కారం కోసం కొత్త మార్గాలను కనుగొనడమే కాకుండా, చట్టబద్ధ మార్గాల్లో వలసలు సజావుగా సాగేందుకు అవసరమైన అవగాహనను పెంపొందించుకోవడం ముఖ్య ఉద్దేశంగా ఉందని డిఆర్ఓ మాధవి గారు పేర్కొన్నారు.
