సేవా కార్యక్రమాలతో అభిమానులు ఆదర్శంగా నిలిచారు…
ఏపీ ఏం అర్ పి ఎస్ వ్యవస్థాపక అధ్యక్షుడు బుంగ సంజయ్ మాదిగ పుట్టిన రోజు వేడుకలు మండపేట సూర్య కన్వెన్షన్ హాల్ లో ఘనంగా నిర్వహించారు. ఒక రోజు ముందే కార్మిక శాఖ మంత్రి వాసంశెట్టి సుభాష్, మాజీ ఛైర్మన్ చుండ్రు శ్రీ వర ప్రకాష్ లు ఆయన స్వగృహానికి చేరుకొని పుట్టిన రోజు శుభాకాంక్షలు తెలిపారు. తనకున్న మిత్రులలో సంజయ్ ఒకరని పేర్కొన్నారు.తన విజయానికి ఆయన శక్తి వంచన లేకుండా కృషి చేశారని పేర్కొన్నారు. సూర్య కన్వెన్షన్ హాల్ లో జరిగిన జన్మదినోత్సవ వేడుకల్లో అభిమానులు పెద్ద ఎత్తున బాణా సంచా కాల్చారు. మండపేట లో ర్యాలీ నిర్వహించారు. ఈ సందర్భంగా కేక్ కట్ చేసి అభిమానులకు పంపిణీ చేశారు. పలు చోట్ల అన్నదాన కార్యక్రమాలు నిర్వహించారు. 7 వ వార్డు ఆదర్శ హెల్పింగ్ హ్యాండ్స్ సంస్థ వద్ద అన్నదాన కార్యక్రమం నిర్వహించారు.సూర్య కన్వెన్షన్ హాల్ లో మాజీ మంత్రి కే ఎస్ జవహర్ ముఖ్య అతిథిగా విచ్చేశారు.ఆయన మాట్లాడుతూ సంజయ్ నిబద్ధత గల నాయకుడని కొనియాడారు. ఈ సందర్భంగా సంజయ్ మాట్లాడుతూ తనపై ఉన్న ప్రేమాభిమానాలతో తన పుట్టినరోజు వేడుకలకు ముఖ్య అతిథులుగా విచ్చేసిన ఆత్మీయ సోదరులు గౌరవ రాష్ట్ర కార్మిక శాఖ మంత్రి వాసంశెట్టి సుభాష్ , రాష్ట్ర ఎస్సీ కమీషన్ చైర్మన్ కె.ఎస్ జవహర్ , అమలాపురం పార్లమెంట్ సభ్యులు గంటి హరీష్ మాధుర్, ఏం అర్ పి ఎస్ ఎస్ ఎస్ రాష్ట్ర వర్కింగ్ ప్రెసిడెంట్ టి ఎం రమేష్ అన్నకు కృతజ్ఞతలు తెలిపారు. ఎస్ సి, ఎస్ టి, బి సి ,మైనార్టీ సోదరులు, ఆటో యూనియన్ నాయకులు, యువకులు, విద్యార్థులు , మహిళలు ఎవరూ ఊహించని విధంగా పాల్గొన్నందుకు తన హృదయపూర్వక ధన్యవాదాలు తెలిపారు .అంబేద్కర్ కోనసీమ జిల్లా సంజయ్ యువసేన ఆధ్వర్యంలో ఇంతకుముందెన్నడూ లేని విధంగా మెగా ఉచిత వైద్య శిబిరం ఏర్పాటు చేసి ఎంతో మంది నిరుపేదలకు ఉచితంగా మందులు పంపిణి చేసి వచ్చిన వారందరికీ అన్నదాన కార్యక్రమం ఏర్పాటు చేసిన తన అభిమానులకు, కార్యకర్తలకు తన ప్రత్యేక కృతజ్ఞతలు తెలిపారు. ఈ కార్యక్రమాన్ని తన జీవితంలో ఎప్పుడూ మర్చిపోలేనన్నారు. ఈ కార్యక్రమాన్ని విజయవంతం చేయడానికి సహకరించిన గ్రామ, మండల, జిల్లా , స్టేట్ నాయకులకు అందరికి పేరు పేరున మరొక్కసారి ధన్యవాదాలు తెలిపారు
