ప్రొడక్షన్ నెంబర్ వన్ సినిమా పూజా కార్యక్రమాలు

విశ్వంవాయిస్ న్యూస్, రాజమండ్రి రూరల్ ,ధవలేశ్వరం

రాజమహేంద్రవరం, విశ్వం వాయిస్ న్యూస్:యంగ్ డైరెక్టర్ శ్రావణ్ సందీప్ బులా దర్శకత్వంలో ప్రొడక్షన్ నెంబర్ వన్ పేరిట నిర్మిస్తున్న చిన్న సినిమా పూజా కార్యక్రమాలు ఆదివారం ధవళేశ్వరంలో నిర్వహించారు. విక్టరీ ఫిలింమేకర్స్ అసోసియేషన్ ప్రొడక్షన్ సారధ్యంలో ఎస్.ఎస్ పక్షాన నిర్మిస్తున్న ఈ చిత్రానికి దీపక్ కందుకూరి కథ,మాటలు సమకూరుస్తున్నారు.సతీష్ కుమార్,మంజుభార్గవి, తరుణ్, అంజలి, రమ్య, బాలాజీ, నాని నటిస్తున్న ఈ సినిమాలో కావేరి కర్రి సహనటిగా నటిస్తోంది.చిన్న బడ్జెట్ లో అన్ని వర్గాలను అలరించే విధంగా ఈ సినిమా నిర్మిస్తున్నట్లు డైరెక్టర్ శ్రావణ్ సందీప్ చెప్పారు. చిత్ర నిర్మాణం వీలైనంత త్వరలో పూర్తిచేసి, థియేటర్లలో విడుదల చేయాలని భావిస్తున్నట్టు తెలిపారు.