విశ్వంవాయిస్ న్యూస్, కొత్తపేట:
ప్రపంచ మేధావి అంబేద్కర్
కొత్తపేట, విశ్వం వాయిస్ : ప్రపంచంలోనే అతిపెద్ద లిఖిత రాజ్యాంగాన్ని అందించిన మహనీయుడు డాక్టర్ బి.ఆర్ అంబేద్కర్ అని ఆర్డిఓ ముక్కంటి అన్నారు. డాక్టర్ బి.ఆర్ అంబేద్కర్ కోనసీమ జిల్లా కొత్తపేట రెవెన్యూ డివిజన్ కార్యాలయంలో అంబేద్కర్ వర్ధంతి వేడుకలు ఘనంగా నిర్వహించారు. ఈ సందర్భంగా అంబేద్కర్ చిత్రపటానికి పూలమాలలు వేసి కార్యాలయ సిబ్బంది ఘన నివాళి అర్పించారు. అనంతరం ఆర్డీవో ముక్కంటి మాట్లాడుతూ అంబేద్కర్ ఆశయ సాధనకు కృషి చేయాలన్నారు. అటు కొత్తపేట పంచాయతీ కార్యాలయం వద్ద అంబేద్కర్ వర్ధంతి వేడుకలు నిర్వహించారు. ఈ సందర్భంగా సర్పంచ్ బూసి జయలక్ష్మి భాస్కర్.. అంబేద్కర్ చిత్రపటానికి పూలమాలవేసి నివాళులర్పించారు. అనంతరం సర్పంచ్ జయలక్ష్మి మాట్లాడుతూ అంబేద్కర్ అందించిన రాజ్యాంగం ద్వారా బడుగు బలహీన వర్గాల వారు ఉన్నత ఉద్యోగాలు, రాజకీయంగా ఉన్నత పదవులు పొందుతున్నారని చెప్పారు.
