పశువులకు అడ్డాగా మోతుగూడెం రహదారులు…
విశ్వంవాయిస్ న్యూస్, మోతుగూడెం:
పశువులకు అడ్డాగా మోతుగూడెం రహదారులు..
రోడ్లపై తిరుగుతున్న పశువులు,పశువులు ప్రధాన రహదారులపైనే సంచరిస్తూ,ప్రయాణీకులను తీవ్ర ఇబ్బందులకు గురి చేస్తున్నాయి. కొంత మంది పశువులను ఇలా రోడ్డుపై వదిలేయడంతో రోడ్లపైనే సేద తీరుతున్నాయి. బస్టాండ్‌ నుంచి అంబేడ్కర్‌ సెంటర్ రోడ్డులో పదుల సంఖ్యలో పశువులు కూర్చుంటున్నాయి. పశువులు రోడ్డుపైనే ఉండడంతో పలుమార్లు ప్రమాదాలు జరుగుతున్నాయి.
మార్కెట్‌ ఏరియాలో..ఆదివారం సంత కావడంతో
మిగిలిపోయిన కూరగాయలు రోడ్ల వెంట పడేయడం తో ఆ ప్రాంతంలో కూడా పశువులు సంచరిస్తూ, సంత చేసుకునేందుకు వచ్చే మహిళలు,చిన్నపిల్లలు భయబ్రాంతులకు గురవుతున్నారు. ఆ పశువులను అలా విచ్చలవిడిగా వదిలేయడంతో ట్రాఫిక్‌కు అంతరాయం కలిగిస్తున్నాయి.ఇకనైనా అధికారులు కళ్ళు తెరచి బందెలదొడ్డి ఏర్పాటు చేయాలని మోతుగూడెం ప్రజానీకం కోరుకుంటుంది…
