విశ్వంవాయిస్ న్యూస్, తాళ్లరేవు:
వరుపుల రాజాకు నివాళులర్పించిన తెలుగుదేశం నాయకులు
నిన్న రాత్రి ఆకస్మిక మృతి చెందిన ప్రత్తిపాడు తెలుగుదేశం పార్టీ ఇన్చార్జ్ పరుపుల రాజా మృతికి తాళరేవు మండలం తోటపేట నాయకులు నివాళులర్పించారు. ఇటువంటి మంచి నాయకున్ని పార్టీ కోల్పోయిందని వారు విచారం వ్యక్తం చేశారు. తెలుగుదేశం పార్టీకి ఎనలేని సేవలందించి డిసిసిబి చైర్మన్ గా కూడా పని చేశారని వరుపుల రాజా గురించి వారు గుర్తు చేసుకున్నారు. వారి కుటుంబ సభ్యులకు తమ ప్రగాఢ సానుభూతి తెలిపారు. ఈ సందర్భంగా వారు మాట్లాడుతూ రాజాకు నివాళులర్పించడానికి తెలుగుదేశం పార్టీ అధినేత నారా చంద్రబాబు నాయుడు వస్తున్నారని వారు తెలిపారు. పార్టీకి ఎనలేని సేవ చేశారని మంచి ఉన్నతమైన వ్యక్తి అని వరుపుల రాజా ను గూర్చి వారు మాట్లాడారు. ఈ కార్యక్రమంలో తాళ్లరేవు మండల నాయకులు సాధనాల వెంకట శివరామకృష్ణ, జక్కల ప్రసాద్,ఊడా వెంకట రామకృష్ణ, రేవు గోవరాజు, ఈశ్వరరావు, ప్రసాద్, సత్య బాలకృష్ణ, గంగా వరప్రసాద్, సురేష్ ఉన్నారు.
