01 December 2025
🔔 0
Latest Notifications
  • No posts found for today or yesterday.
Monday, December 1, 2025
🔔 0
Latest Notifications
  • No posts found for today or yesterday.

అక్కర సమయంలో “శక్తి యాప్” అండగా నిలుస్తుంది

Share
📰
విశ్వం వాయిస్ తెలుగు దినపత్రికను చదవడానికి ఇక్కడ క్లిక్ చేయండి
క్లిక్ చేయండి

మహిళలు పోలీస్ స్టేషన్ వెళ్లకుండానే యాప్ ద్వారా సమస్యపై ఫిర్యాదు చేయవచ్చు

 ఆపదలో బంధువులు తోడు ఉన్నా లేకపోయినా,శక్తి యాప్ ద్వారా సదా మీ సేవలో పోలీసులు

శక్తి యాప్ అవగాహన సదస్సులో ట్రైనీ అడిషనల్ డి.ఎస్పీ ప్రదీప్తి

విశ్వం వాయిస్ ప్రాంతీయ డెస్క్, , రాయవరం

ఆంద్రప్రదేశ్ రాష్ట్రంలో విద్య, ఉద్యోగం, ఉపాధి, ఇతర పనుల నిమిత్తం బయటకు వెళ్లే మహిళలు, విద్యార్థినిలు, తమ ఇళ్లకు సురక్షితంగా చేరుకునే ప్రయాణంలో శక్తి యాప్‌ తోబుట్టువు లా ధైర్యం కలిగించి,కాపాడుతుందని ట్రైనీ అడిషనల్ డి.ఎస్పి ప్రదీప్తి తెలిపారు. సోమవారం మండల కేంద్రమైన రాయవరం శ్రీ రామయ్య జిల్లా పరిషత్ ఉన్నత పాఠశాల సమావేశ మందిరం నందు, మండపేట రూరల్ సీఐ పి.దొరరాజు ఆధ్వర్యంలో, రాయవరం ఎస్సై డి.సురేష్ బాబు అద్యక్షతన జరిగిన శక్తి యాప్ అవగాహన సదస్సు కార్యక్రమంలో అడిషనల్ డి.ఎస్పీ ప్రదీప్తి ముఖ్య అతిథిగా పాల్గొని, హై స్కూల్, ప్రభుత్వ జూనియర్ కాలేజ్, విజ్ఞాన్ జూనియర్ కాలేజ్ విద్యార్థిని లకు మహిళల భద్రత, ఆత్మరక్షణ గూర్చిన చట్టాలపై అవగాహన కల్పిస్తూ, ప్రతీ మహిళకు రక్షణ కల్పించేందుకు ప్రభుత్వం సాంకేతిక పరిజ్ఞానంతో శక్తి యాప్‌ను సిద్ధం చేసిందని, మహిళలు ఫోన్‌ లో, ఈ శక్తి యాప్‌ ను డౌన్‌లోడ్‌ చేసుకుని, ఎటువంటి ఆపద సంభవించినా, ఏ సమయంలోనైనా యాప్ లోని ఎస్.ఓ.ఎస్ ఆప్సన్ టచ్ చేస్తే చాలు, వెంటనే ఆ ప్రాంతంలో ఉన్న స్థానిక పోలీసులకు సమాచారం అందుతుందని, తక్షణమే వారు అక్కడకు చేరుకుని రక్షణ కల్పిస్తారన్నారు, అలాగే మహిళలపై లైంగిక వేధింపులు, ర్యాగింగ్‌ లు తదితర విషయాలపైనా, పోలీస్ స్టేషన్ కు వెళ్లే పని లేకుండా, నేరుగా ఈ యాప్‌ ద్వారా పోలీసులకు ఫిర్యాదు చేయవచ్చన్నారు, మహిళల భద్రత కొరకు పోలీసు వారి సేవలను,సులువుగా పొందేందుకు వారికి అవసరమైన రక్షణ చట్టాలు,పోలీసు స్టేషన్ ఫోను నంబర్లు శక్తి యాప్ లో పొందుపరిచారని సూచించారు, ఏదైనా దూర ప్రాంతానికి అత్యవసర ప్రయాణంలో వెళ్లి, తిరిగి రావడానికి అవకాశం లేని, తరుణంలో ఈ యాప్ ద్వారా పోలీసులకు సమాచారం ఇస్తే వారే నైట్ షెల్టర్ల ను ఏర్పాటు చేసి భద్రత కల్పిస్తారన్నారు, తమ ఇంటిలో మహిళలకు ఎదురవుతున్న వివిధ సమస్యలను గూర్చి, యాప్ ద్వారానే ఫిర్యాదు చేస్తే, మీ వివరాలు బహిర్గతం చేయకుండా కుటుంబంలో అలజడి సృష్టిస్తున్న వారికి ఫ్యామిలి కౌన్సిలింగ్ ద్వారా బుద్ధి చెబుతారన్నారు, ప్రయాణాలలో డ్రైవర్ల ప్రవర్తనపై అనుమానం కలిగినపుడు, ఈ యాప్ లో సహాయం కోరితే, ఎక్కడికి వెళ్తున్నారు, ఎలాంటి మార్గంలో ఉన్నారు, వంటి సూచనల ద్వారా సేఫ్ ట్రావెల్ సౌకర్యం ఉందన్నారు, వాట్సాప్ గవర్నెన్స్ సేవలు సైతం శక్తి మొబైల్ యాప్ లో నిక్షిప్తం చేసారని ప్రతి ఒక్కరూ తమ మొబైల్ లో ఈ శక్తి యాప్ ను డౌన్లోడ్ చేసుకోవాలని, తెలియని వారికి వివరించాలని సూచించారు, అనంతరం అమలాపురం డిస్ట్రిక్ట్ కన్జ్యూమర్ ప్రొటెక్షన్ కౌన్సిల్ ఆఫీసర్ డి.అభిరామ్ మాట్లాడుతూ ఆన్లైన్ ద్వారా వస్తున్న ఆఫర్లు, నమ్మశక్యం కాని ప్రకటనలకు ఆకర్షింపబడి మోసపోవద్దని సైబర్ నేరాల పట్ల అవగాహన కలిగి ఉండాలని వివరించారు, మండపేట రూరల్ సీఐ పి దొర రాజు విద్యార్థులను ఉద్దేశించి మాట్లాడుతూ సాంకేతిక పరిజ్ఞానం ను జీవితంలో ఉన్నత లక్ష్యాలను ఛేదించడానికి వినియోగించాలని, సోషల్ మీడియా ద్వారా చిల్లర సహవాసాల కు అలవాటు పడి జీవితాలను పాడు చేసుకోకూడదని మంచి లక్ష్యాలు ఉన్నత విలువలు కలిగిన వారిగా ఉండడానికి ప్రయత్నించాలని సూచించారు, ముఖ్యంగా ఆపదలో బంధువులు స్నేహితులు తోడు ఉన్నా లేకపోయినా, శక్తి యాప్ రూపంలో పోలీసులు ఎప్పుడు అందుబాటులో ఉంటారని గుర్తుంచుకోవాలన్నారు, స్థానిక ఎస్సై సురేష్ బాబు మాట్లాడుతూ ఎక్కాలను గుర్తుంచుకున్నట్లు మహిళల భద్రత కొరకు కొన్ని నంబర్లను గుర్తించుకోవాలని సూచిస్తూ, మహిళలు వరకట్న వేధింపులకు గురైతే 181, అత్యవసర సహాయం కోసం 112, మహిళలను వేధింపులకు గురి చేసి, అక్రమంగా తరలిస్తే 1091, చిన్నపిల్లలను లైంగిక వేధింపులకు గురిచేస్తే 1098, సైబర్ నేరాలకు పాల్పడితే 1930, మీ ప్రాంతంలో యువకులు గంజాయి,మత్తు మందుకు అలవాటు పడి ఇబ్బంది పెడితే 1972 , వంటి నంబర్లకు ఫోన్ చేసి ఫిర్యాదు చేయవచ్చని, మహిళల భద్రత కోసం పోలీస్ వ్యవస్థ నిరంతరం పనిచేస్తుందని తెలిపారు. ఈ కార్యక్రమంలో పాఠశాల ప్రధానోపాధ్యాయురాలు వి.శాంతి సునీత, పాఠశాల యాజమాన్య కమిటీ చైర్మన్ దేవిశెట్టి కోటేశ్వరరావు, రాయవరం గ్రామ అభివృద్ధి కమిటీ చైర్మన్ ఉండవల్లి రాంబాబు, హై స్కూల్, ప్రభుత్వ జూనియర్ కళాశాల, విజ్ఞాన్ జూనియర్ కళాశాల విద్యార్థినులు పాల్గొన్నారు.

తాజా వార్తల అప్‌డేట్ కోసం చానల్‌లో చేరండి

రచయిత నుండి మరిన్ని

సంబంధిత వార్తలు

For Ads
ఆంధ్రప్రదేశ్
అంబేద్కర్ కోనసీమ
సాధారణ వార్తలు
కాకినాడ
రాజకీయాలు
క్రైమ్ వాయిస్
తూర్పు గోదావరి
విద్య వాయిస్
ఆధ్యాత్మికం
కిసాన్ వాయిస్
హెల్త్ వాయిస్
పండుగలు
సక్సెస్ వాయిస్
అలూరి సీతారామరాజు
తెలంగాణ
సినీ వాయిస్
క్రీడా వాయిస్
ఎడిటర్ వాయిస్
టెక్నాలజీ
తీర్పు వాయిస్
For Ads
📰
విశ్వం వాయిస్ తెలుగు దినపత్రికను చదవడానికి ఇక్కడ క్లిక్ చేయండి
క్లిక్ చేయండి
తాజా వార్తల అప్‌డేట్ కోసం చానల్‌లో చేరండి

తాజా వార్తలు

✅ Message cleared
Left Ad
Right Ad
Logo