భాజపా బలోపేతానికి ప్రతి కార్యకర్త నడుం బిగించాలి

ప్రజా సమస్యలు పై అధికారులతో మాట్లాడుతూ, గ్రీవెన్స్ కు వెళ్లి సమస్యల పరిస్కారం కు కృషి చేస్తూ మండలంలో విస్తృత ప్రచారం చేయాలని బిజెపి మండల ఇంచార్జి, సీనియర్ నాయకులు కోన సత్యనారాయణ పేర్కొన్నారు. ఆత్మ నిర్భర్ భారత్ అభియాన్ కార్యక్రమం ద్వారా ప్రతి ఇంటా స్వదేశీ – ఇంటింటా స్వదేశీ నినాదంతో డాక్టర్ బి ఆర్ అంబేద్కర్ కోనసీమ జిల్లా, రాయవరం మండలం, సోమేశ్వరం గ్రామంలో బిజెపి మండల అద్యక్షులు శాకా దుర్గా శ్రీనివాస్ అద్యక్షతన ఏర్పాటు చేసుకోని సమావేశం నిర్వహించగా, ఈ కార్యక్రమానికి ముఖ్య అతిధిగా బిజెపి మండల ఇంచార్జ్, సీనియర్ నాయకులు కోన సత్యనారాయణ ముఖ్య అతిధిగా విచ్చేసారు. ఈ సందర్భంగా ఆయన మాట్లాడుతూ రాష్ట్ర బిజేపి పార్టీ అధిష్టానం ప్రచురించిన 27 ముఖ్య కాలాంశాలతో కూడిన కరపత్రాన్ని చదివి వివరిస్తూ, మండలం లో భారతీయ జనతా పార్టీ బలోపేతానికి ప్రతి కార్యకర్త పనిచెయ్యాలని, బూత్ కమిటీలు, శక్తి కేంద్రాలు పూర్తి స్థాయిలో వేసి, మండల కమిటీలు పూర్తి చేయడం ద్వారా పార్టీ బలోపేతం చెయ్యాలని ఆయన సూచించారు. అన్ని గ్రామ పంచాయతీ పరిధిలో బిజెపి జండా స్థూపాలు ఏర్పాటు చెయ్యాలన్నారు. ప్రజా సమస్యలు పై అధికారులతో మాట్లాడి, గ్రీవెన్స్ కు వెళ్లి సమస్యల పరిస్కారం కొరకు ప్రయత్నించాలని వివరించారు. విదేశీ వస్తు బావ జాలం వదలిపెట్టి, స్వదేశీ వస్తువులు వినియోగించుకొనేలా ప్రజల్లో చైతన్యం తీసుకురావాలని సూచిస్తూ, స్వదేశీ వస్తువులనే వాడతామని కార్యకర్తల చేత ప్రతిజ్ఞ చేయించారు. తదుపరి ఆత్మనిర్భర్ భారత్ జిల్లా కో కన్వీనర్ కొత్తపల్లి శ్రీదేవి, బిజెపి జిల్లా ఉపాద్యక్షులు చాట్రాతి జానకి రాంబాబు,వల్లభనేని రవీంద్రబాబు లు పలు విషయాలను తెలుపుతూ కార్యకర్తలను చైతన్య పరిచారు. అనంతరం కార్యకర్తలు గ్రామాల్లో తిరిగి స్వదేశీ స్టిక్కర్ లను పలు ఇళ్ళ డోర్ లకు అతికించారు. ఈ కార్యక్రమంలో నరాల రాంబాబు , చింతా తమ్మిరెడ్డి, ముత్యాల వీర్రాజు చౌదరి, ఈరెళ్ల కృష్ణమూర్తి, ఎం జానకి రామయ్య, నల్లమిల్లి రామకృష్ణారెడ్డి, బొబ్బా సూర్య ప్రకాష్, ముప్పాటి కృష్ణ, తదితర బిజెపి కార్యకర్తలు పాల్గొన్నారు.