ఆహాలో స్ట్రీమింగ్ అవుతున్న నటసింహం నందమూరి బాలకృష్ణ అన్ స్టాపబుల్ టాక్ షో మంచి రేటింగ్ తో దూసుకుపోతోంది. ఇప్పటికే ఈ టాక్ షో 3 సీజన్స్ పూర్తి చేసుకుని సీజన్ 4 లోకి అడుగుపెట్టింది. ఇక ఇప్పుడు థర్డ్ ఎపిసోడ్ ప్రోమో రీలీజ్ అయ్యింది. ఇందులో కంగువ మూవీ టీమ్ వచ్చింది. ఈ ప్రోమోలో హీరో సూర్యతో బాలకృష్ణ సందడి చేశారు.
“నేను సింహం అయితే అతను సింగం, నేను లెజెండ్ అయితే అతను గజినీ, నేను అఖండ అయితే అతను రోలెక్స్” అంటూ సూర్యని ఇంట్రడ్యూస్ చేస్తూ అదిరిపోయే ఇంట్రో ఇచ్చారు బాలయ్య. ఇక సూర్యతో సరదా కబుర్లు, తికమక ప్రశ్నలు వేసి ఎంటర్టైన్ చేశారు. కార్తీ ఫోన్ లో సూర్య పేరు ఏమని సేవ్ చేసి ఉంటుంది అంటూ టిపికల్ ప్రశ్న అడిగారు. అది “అవుట్ ఆఫ్ సిల‌బ‌స్ సార్” అంటూ చెప్పారు ..అలాగే సూర్య , కార్తీకి మధ్య గొడవైన లాస్ట్ టాపిక్ ఏంటి ? నీ ఫస్ట్ క్రష్ ఎవరు ? అంటూ సూర్యను ప్రశ్నల మీద ప్రశ్నలు వేశారు బాలయ్య. “వ‌ద్దు స‌ర్ ఇంటికి వెళ్లాలి.. గొడ‌వ‌లు అవుతాయ్” అని సూర్య అన్నారు. ఇక బాలయ్య ఊరుకోకుండా వెంటనే కార్తీకి ఫోన్ చేసి “మీ అన్నయ్య చాలా అబద్దాలు ఆడారు తెలుసా” అని చెప్పగానే కార్తీ కూడా నవ్వుతూ సెటైర్స్ వేశారు. “ఆయన చిన్నప్పటి నుంచి అంతే సార్” అన్నాడు. అలాగే “ఓ నటి అంటే ఆయనకు చాలా ఇష్టం సార్” అని కార్తీ అంటే.. వెంటనే సూర్య “నువ్వు కార్తీ కాదు రా.. కత్తి” అని డైలాగ్ వేశారు.
వీటితో పాటు సూర్య చేస్తున్న సమాజ సేవకు సంబందించిన ప్రశ్నలు అడిగి తెలుసుకున్నారు. సూర్య ఓ అమ్మాయికి సాయం చేసినప్పుడు ఆమె చెప్పిన మాటలను వీడియో రూపంలో చూపించారు బాలయ్య. ఆ అమ్మాయి మాటలు విన్న సూర్య సెట్ లోనే కన్నీళ్లు పెట్టుకున్నారు. తాను చేస్తున్న సేవకు అటు తమిళనాడు నుంచి ఇటు ఆంధ్రా నుంచి కూడా చాలా మంది ఫండ్ ఇవ్వడానికి ముందుకు వచ్చారు అని చెప్పారు సూర్య. ఇక ఫైనల్ గా ప్రోమో ఎండింగ్ లో కంగువ డైరెక్టర్ శివ, బాలీవుడ్ నటుడు బాబీ డియోల్ ఈ షోలో ఎంట్రీ ఇచ్చారు.
