కోలీవుడ్ స్టార్ సూర్య (Suriya) హీరోగా శివ దర్శకత్వంలో రూపొందిన పాన్ ఇండియా మూవీ ‘కంగువా’ (Kanguva). స్టూడియో గ్రీన్, యు.వి. క్రియేషన్స్ నిర్మించిన ఈ సినిమా భారీ అంచనాలతో నవంబర్ 14న థియేటర్లలో అడుగుపెట్టింది. మొదటి షో నుంచే డివైడ్ టాక్ ని సొంతం చేసుకున్న మూవీ.. వసూళ్ల పరంగా పరవాలేదు అనిపించుకుంది. (Kanguva Collections)
‘కంగువా’ సినిమా మొదటి రోజు వరల్డ్ వైడ్ గా రూ.40 కోట్లకు పైగా గ్రాస్ రాబట్టింది. ఇతర భారీ పాన్ ఇండియా సినిమాల ఓపెనింగ్స్ తో పోలిస్తే ఇది చాలా తక్కువే అయినప్పటికీ.. టాక్ పరంగా, థియేటర్ల కౌంట్ పరంగా చూస్తే పరవాలేదు అని చెప్పవచ్చు. అంతేకాదు ఇది సూర్య కెరీర్ బిగ్గెస్ట్ ఓపెనింగ్ కావడం విశేషం. (Kanguva Boxoffice)
తమిళనాడులో రూ.11.45 కోట్లు, తెలుగు రాష్ట్రాల్లో రూ.6.40 కోట్లు, కర్ణాటక రూ.2.30 కోట్లు, కేరళ రూ.3.90 కోట్లు, హిందీ+రెస్టాఫ్ ఇండియా రూ.4.75 కోట్లు, ఓవర్సీస్ లో రూ.11.40 కోట్లు కలెక్ట్ చేసిన కంగువా.. వరల్డ్ వైడ్ గా ఫస్ట్ డే రూ.40.20 గ్రాస్ (రూ.19 కోట్ల షేర్) రాబట్టింది.
ఓవరాల్ గా దాదాపు రూ.180 కోట్ల థియేట్రికల్ బిజినెస్ చేసిన కంగువా.. మొదటి రోజు రూ.19 కోట్ల షేర్ వసూలు చేసింది. అయితే బ్రేక్ ఈవెన్ సాధించాలంటే ఎదురుగా కొండంత టార్గెట్ ఉంది. ఈ టాక్ తో బ్రేక్ ఈవెన్ సాధించడం అనుమానమే.
