దళిత యువకుడి పై దాడి చేసిన వారిని కఠినంగా శిక్షించాలి: విశ్వజన కళామండలి రాష్ట్ర అధ్యక్షులు వడ్డిఏడుకొండలు
దళిత యువకుడు దోనుపాటి మహేష్ పై విచక్షణారహితంగా దాడిచేసి గాయపరిచిన వారిపై ఎస్సీ ఎస్టీ అట్రాసిటీ కేసు నమోదు చేసి వెంటనే అరెస్టు చేయాలని విశ్వజన కళామండలి రాష్ట్ర అధ్యక్షులు వడ్డి ఏడుకొండలు డిమాండ్ చేశారు. రాష్ట్రంలో కూటమి ప్రభుత్వం ఏర్పడినప్పటి నుంచి దళితులపై దాడులు పెరిగాయని బుధవారం సుంకరపాలెం బాబా నగర్ అంబేద్కర్ విగ్రహం వద్ద సిద్ధార్థ స్టూడెంట్ యూత్ అసోసియేషన్ మరియు గ్రామ పెద్దలు విశ్వజన కళామండలి రాష్ట్ర అధ్యక్షులు వడ్డి ఏడుకొండలు ఆధ్వర్యంలో అత్యవసర సమావేశం నిర్వహించారు. ఆయన మాట్లాడుతూ రాజ్యాంగం అమలులో పాలకులు నిర్లక్ష్యం వహిస్తున్నారని అందువల్ల దళితులపై దాడులు ఎక్కువ జరుగుతున్నాయని అన్నారు. ఉద్యోగాలు ఇప్పిస్తామని లక్షల స్వాహా చేసి వారిని వదిలేసి మధ్యవర్తిగా ఉన్న దళిత యువకుడు దొనపాటి మహేష్ పై దాడి చేయడం దారుణం అని ప్రైవేటు కాలేజీలకు సంబంధించిన సిబ్బంది కార్మిక శాఖ మంత్రి వాసంశెట్టి సుభాష్ అనుచరులు అని చెప్పుకుంటూ ఉద్యోగాలు ఇప్పిస్తామని దందా చేస్తూ అనేక మంది దగ్గర నుంచి లక్షల స్వహచేస్తున్న వారిపై కఠిన చర్యలు తీసుకోవాలన్నారు. అమలాపురం మున్సిపల్ కార్యాలయంలో ఉద్యోగం ఇప్పిస్తామని ఒక వ్యక్తి నుంచి 2 లక్షల తీసుకుని ఉద్యోగం వెయ్యకపోగా మధ్యవర్తిగా ఉన్న దళిత యువకుడు దోనపాటి మహేష్ పై దాడి చేసిన ఎల్లమెల్లి విజయ్ అతనితో ఉన్న పాటు 15 మందిని కఠిన చర్యలు తీసుకోవాలని,ఈ సంఘటనపై మంత్రి వాసంశెట్టిసుభాష్ ఈ దాడి పై స్పందించాలన్నారు. ఈ సమావేశంలో సిద్ధార్థ యూత్ సభ్యులు నాగాబత్తులశ్రీనివాస్, వాకపల్లివీరబాబు,కోరుకొండ కోటేశ్వరరావు,రేవుపేరయ్య,మర్రి అశోక్,వడ్డిఅంబేద్కర్, గ్రామ పెద్దలు,వడ్డివెంకటేశ్వర్లు, నాగాబత్తులవిశ్వనాథం, ముసలి అప్పారావు,మోర్తవెంకన్న తదితరులు పాల్గొన్నారు.
