దొంగల గుంపు నుంచే ‘దొంగా దొంగా’ అనిపించిన ఘనత టీడీపీ సల్మాన్‌కే…

మండపేట వైసిపి ప్రధాన కార్యాలయంలో శుక్రవారం ఏర్పాటు చేసిన విలేఖరుల సమావేశంలో ఐటి వింగ్ అధ్యక్షులు యరమాటి వెంకన్నబాబు మాట్లాడుతూ దొంగల గుంపు నుండే దొంగా దొంగా దొంగా అనడం సినిమాల్లో చూడటమే తప్ప నిజజీవితాలలో చూపించిన ఘనత టీడీపీ రాష్ట్ర మైనారిటీ సెల్ కార్యదర్శి, అంచనాల కమిటి చైర్మన్ అనుచరుడు సల్మాన్ హుస్సేన్ కి మాత్రమే సాధ్యమైందన్నారు. ఎలక్ట్రానిక్ ఈ వి యం లపై ప్రతి ఓటరు పూర్తి అవగాహన కలిగి ఉన్నప్పటికీ గడిచిన 2024 ఎన్నికల నుండి ప్రజాస్వామ్య బద్దంగా కాకుండా కొన్ని పార్టీలు జతకట్టి కూటమి నాయకులుగా ఏర్పడి ప్రజలకు 2019 – 2024 మధ్య కాలంలో వైసీపీ అందిన సంక్షేమం అభివృద్ధి కి వేసుకున్న వారి ఓటు ఏమైందో తెలియని అయోమయ పరిస్థితికి తీసుకొచ్చారన్నారు. ప్రజలు పూర్తి అవగాహనతో నిజానిజాలు తెలుసుకున్నారని గ్రహించి రాబోయే స్థానిక ఎన్నికల కోసం మీచేత మొసలి కన్నీరు కార్పిస్తున్న మీ అధినాయకత్వానికి మీకు కూడా శతసహస్ర వందనాలు. భవిష్యత్తులో ఏ ఎన్నికలు వచ్చినా పేపర్ బ్యాలెట్ తో జరపాలని కేంద్ర రాష్ట్ర ప్రభుత్వ భాగస్వామ్యంలో ఉన్న మీ టీడీపీ పార్టీ తరుపున శోచనీయమైన ఆవేదనతో డిమాండ్ చెయ్యడం కాదు బ్యాలెట్ పేపర్ తో ఎన్నికలు నిర్వహించాలని లేని పక్షంలో కూటమి నుంచి తప్పుకుంటామని కేంద్రానికి అల్టిమేటం జారీచేసే సత్తా మీలో ఉందా అని వెంకన్నబాబు ప్రశ్నించారు. 2024 లో ఆంధ్రప్రదేశ్ రాష్ట్రంలో వచ్చిన ఎన్నికల ఫలితాలు అప్రజాస్వామ్యం అని టీడీపీ రాష్ట్ర కార్యదర్శిగా మీరు అంగీకరించినందుకు మీకు మండపేట నియోజకవర్గం వైఎస్ఆర్సిపి నుంచి మరియు రాష్ట్ర ప్రజల నుంచి ధన్యవాదాలు తెలియచేసుకుంటున్నాము. కేంద్రంలో భాగస్వామ్య పక్షంగా ఉన్న టీడీపీ బ్యాలెట్ పేపర్ విధానానికి ఆమోదముద్ర వేయించి ఎన్నికలకు దిగాలని యరమాటి వెంకన్నబాబు డిమాండ్ చేశారు.