రాష్ట్ర ప్రభుత్వం ఆదేశాల మేరకు శుక్రవారం ఉదయం జగ్గంపేట పంచాయతీ కార్యదర్శి జి.శివ ఆధ్వర్యంలో జగ్గంపేటలోని మంచినీళ్లు చెరువు పరిసర ప్రాంతాలలో పచ్చదనం పరిశుభ్రత కార్యక్రమం నిర్వహించారు.ఈ కార్యక్రమానికి జగ్గంపేట మండలంలోని అన్ని గ్రామ పంచాయతీలకు సంబంధించి 108 మంది పారిశుద్ధ్య కార్మికులతో మంచినీటి చెరువు వద్ద ఉన్నటువంటి చెత్త,చెదారాలు, తుప్పలు తొలగింపు కార్యక్రమం చేపట్టారు.ఈ కార్యక్రమానికి ముఖ్య అతిథిగా డివిజనల్ పంచాయతీ అధికారి బాలామణి హాజరై పనులను పరివేక్షించారు. ఈ సందర్భంగా ఆమె మాట్లాడుతూ రాష్ట్ర ప్రభుత్వం మాదేశాల మేరకు ఎక్కడైతే ఎక్కువ భాగంగా చెత్త చెదారాలు వంటివి ఉంటాయో అటువంటి ప్రదేశాలను గుర్తించి శుభ్రం చేయడం జరుగుతుందన్నారు. ఈ కార్యక్రమంలో డిప్యూటీ ఎంపీడీవో మూర్తి, జగ్గంపేట మండలంలోని పంచాయతీ కార్యదర్శులు, మరియు పారిశుద్ధ కార్మికులు పాల్గొన్నారు.
