ప్రభుత్వం ద్వారా పి ఫోర్, ఆదరణ పథకంలో స్వయం ఉపాధికి అవకాశం కల్పిస్తా ఎమ్మెల్యే జ్యోతుల నెహ్రూ
కాకినాడ జిల్లా జగ్గంపేట స్థానిక రావులమ్మ నగర్ లోని టిడిపి కార్యాలయంలో జగ్గంపేట జ్యోతుల నెహ్రూ కాంప్లెక్స్24మంది చిరు వ్యాపారస్తులందరూ కలిసి జగ్గంపేట శాసనసభ్యులు జ్యోతుల నెహ్రూను, జిల్లా టిడిపి అధ్యక్షులు జగ్గంపేట నియోజకవర్గం అభివృద్ధి కమిటీ చైర్మన్ జ్యోతుల నవీన్ ను ఘనంగా సత్కరించి కృతజ్ఞతలు తెలియజేశారు. ఈ సందర్భంగా షాపింగ్ కాంప్లెక్స్ సభ్యులు ఆశీర్వాద్ రియల్ ఎస్టేట్ కింతాడ రాజు మాట్లాడుతూ గత 25 సంవత్సరాలుగా అనేక ఇబ్బందులు ఎదుర్కొంటున్న చిరు వ్యాపారస్తులకు జగ్గంపేట శాసనసభ్యులు జ్యోతుల నెహ్రూ, జ్యోతుల నవీన్ లు షాపింగ్ కాంప్లెక్స్ ఏర్పాటు చేయడం జరిగింది 24 కుటుంబాలు తద్వారా లబ్ధి పొందడం జీవితాంతం వారికి రుణపడి ఉంటామని అన్నారు. జ్యోతుల నవీన్ మాట్లాడుతూ చిరు వ్యాపారస్తులందరూ అనేక సంవత్సరాలుగా షాపులు లేక ఇబ్బందులకు గురవుతున్నారని వారికి ఎమ్మెల్యే సహకారంతో షాపింగ్ కాంప్లెక్స్ నిర్మాణం చేస్తామని అన్నారు. అనంతరం ఎమ్మెల్యే నెహ్రూ 24 మంది ఒక్కొక్కరిగా పరిచయం చేసుకుని వారు చేస్తున్న వ్యాపారాలను అడిగి తెలుసుకున్నారు. మీ షాపుల నిర్మాణం కోసం జ్యోతుల నవీన్ పూర్తి బాధ్యత తీసుకుని మీ అందరికీ న్యాయం చేశాడని ఈ కాంప్లెక్స్ లో ఉన్న అందరికీ ప్రభుత్వం ద్వారా పి4 ఆదరణ పథకం ద్వారా స్వయం ఉపాధి కల్పిస్తానని హామీ ఇచ్చారు. ఈ కార్యక్రమంలో ఎస్ వి ఎస్ అప్పలరాజు, జీను మణిబాబు, కొత్త కొండబాబు, వాసిరెడ్డి ఏసుదాసు, పాండ్రంగి రాంబాబు, దేవరపల్లి మూర్తి, పాలచర్ల నాగేంద్ర చౌదరి, రాయి సాయి, సత్తి సదాశివరెడ్డి, గెద్దాడ సత్యవేణి, పీల మహేష్, సాంబత్తుల చంద్రశేఖర్, తుమ్మల కిషోర్, తదితరులు పాల్గొన్నారు.
