కొవ్వూరు పట్టణంలోని విజయ విహార్ సెంటర్ నందు భారతీయ జనతా పార్టీ పట్టణ కమిటీ ఆధ్వర్యంలో 200 జాతీయ జెండాలను పంపిణీ
బ్రిటిష్ వారు భారతదేశ విడిచి వెళ్లడానికి ముందు రోజే రాజకీయ ప్రయోజనాల కొరకు భారతదేశాన్ని విభజించి, హిందువులను ఊచకోత కు గురిచేసిన సంఘటన ఎప్పటికీ మరిచిపోలేమని భారతీయ జనతా పార్టీ తూర్పుగోదావరి జిల్లా అధ్యక్షులు పిక్కి నాగేంద్ర అన్నారు. భారతదేశ ప్రధాని నరేంద్ర మోడీ ఇచ్చిన పిలుపు మేరకు హర్ ఘర్ తిరంగా లో భాగంగా గురువారం కొవ్వూరు పట్టణంలోని విజయ విహార్ సెంటర్ నందు భారతీయ జనతా పార్టీ పట్టణ కమిటీ ఆధ్వర్యంలో 200 జాతీయ జెండాలను పంపిణీ చేశారు. ఈ సందర్భంగా పిక్కి నాగేంద్ర మాట్లాడుతూ 1947 ఆగస్టు 15వ తేదీన బ్రిటిష్ వారు నుండి భారత దేశ స్వాతంత్రాన్ని సంపూర్ణంగా పొందడం జరిగిందని ఆగస్టు 14వ తేదీ అర్ధరాత్రి ఆనాటి నాయకులు స్వార్థ ప్రయోజనాల కోసం స్వాతంత్ర భారతదేశాన్ని విభజించి పాకిస్తాన్ ను భారతదేశం నుండి విడదీసి భారతీయ మహిళలపై అత్యాచారాలకు పాల్పడి హిందువులను ఊచకోతకు గురిచేసిన సంఘటన ఎప్పటికీ మరువలేమని అటువంటి పరిస్థితుల నుండి భారతదేశంలో మతసామరస్యాన్ని కాపాడుతూ ప్రధాని నరేంద్ర మోడీ నేతృత్వంలో సస్యశ్యామల దేశంగా భారతదేశ విరాజిల్లుతున్నదని అన్నారు. ఈ కార్యక్రమంలో భారతీయ జనతా పార్టీ నాయకులు బోడపాటి ముత్యాలరావు, కౌన్సిలర్ పిల్లలమర్రి మురళీకృష్ణ, కొండపల్లి రత్న సాయి, తదితర భారతీయ జనతా పార్టీ నాయకులు పాల్గొన్నారు
