NH-16లో ప్రమాదాల తగ్గింపుకు చర్యలు వేగవంతం చేయాలి

కాకినాడ జిల్లా ఎస్పీ జి. బిందు మాధవ్ (ఐపీఎస్) ఆదేశాల మేరకు గండేపల్లి పోలీస్ స్టేషన్ పరిధిలోని NH-16లో తరచూ జరుగుతున్న రోడ్డు ప్రమాదాలు, మరణాలను తగ్గించేందుకు శుక్రవారం ప్రత్యేక సమీక్షా సమావేశం నిర్వహించారు.జగ్గంపేట సర్కిల్ ఆఫీస్‌లో నిర్వహించిన ఈ సమావేశానికి జగ్గంపేట సిఐ వై.ఆర్.కె నేషనల్ హైవే ఇన్సిడెంట్ మేనేజర్ ఎన్. జగదీష్, నేషనల్ హైవే మెయింటెనెన్స్ మేనేజర్ మధు బాబు (అన్నవరం ఆర్చ్–దివాన్ చెరువు వరకు 71 కిలోమీటర్ల స్ట్రెచ్ బాధ్యత), టోల్ ప్లాజా మేనేజర్ వి. సురేశ్, హైవే మొబైల్ పోలీసు సిబ్బంది గిరి, రాము, ఇంచార్జీలు, అలాగే హైవే మెయింటెనెన్స్ సిబ్బంది పాల్గొన్నారు.గండేపల్లి పోలీస్ స్టేషన్ పరిధిలోని 27.7 కిలోమీటర్ల స్ట్రెచ్‌లో ప్రమాదాలు అధికంగా జరుగుతున్న నేపథ్యంలో, ప్రమాదాలకు కారణమవుతున్న పాయింట్లను గుర్తించడం, రహదారి సూచిక బోర్డులు  స్పీడ్ వార్నింగ్‌లు  ప్రమాద సూచకాలు ఏర్పాటు, రాత్రి విజిబిలిటీ మెరుగు పరచడం, స్పీడ్ నియంత్రణ చర్యలు, డివైడర్ల్  స్ట్రిప్స్ వంటి భద్రతా చర్యలను బలోపేతం చేయాలని సమావేశంలో అధికారులు నిర్ణయించారు.ప్రమాదాలు నివారించేందుకు పోలీసు విభాగం, NHAI, టోల్ మేనేజ్మెంట్, మెయింటెనెన్స్ టీం సమన్వయంతో కఠిన చర్యలు వెంటనే అమలులోకి తీసుకురావాలని ఎస్పీ ఆదేశించినట్లు అధికారులు తెలిపారు.