విశ్వం వాయిస్ న్యూస్ డెస్క్, మండపేట
మండపేట మండలం పాలతోడు గ్రామం ఎంపిటిసి గంగరాజు దేవి, ఆ గ్రామ వైసీపీ ప్రధాన కార్యదర్శి గంగరాజు ప్రసాద్ లు టీడీపీ నాయకుడు యాదగని వరప్రసాద్ చౌదరి (బాబి) ఆధ్వర్యంలో మండపేట తెలుగుదేశంపార్టీ కార్యాలయంలో బుధవారం రాష్ట్ర అంచనాల కమిటీ చైర్మన్, ఎమ్మెల్యే వేగుళ్ళ జోగేశ్వరరావు సమక్షంలో వైసీపీ ని వీడి టీడీపీ లో చేరారు. వీరు ఇరువురికి ఎమ్మెల్యే వేగుళ్ళ టీడీపీ కండువాను కప్పి పార్టీలోకి ఆహ్వానించారు. ఈ కార్యక్రమంలో జిల్లా గ్రంధాలయ సంస్ధ మాజీ చైర్మన్ నల్లమిల్లి వీర్రెడ్డి, మండపేట మార్కెట్ కమిటీ చైర్మన్ చింతపల్లి రామకృష్ణ, పిల్లా తాతాలు, గుణ్ణం సత్యసాయిబాబ, టేకుమూడి సత్తిబాబు, పండా వీర్రాజు, బొక్కా రామకృష్ణ, తదితరులు పాల్గొన్నారు.
