పోలేకుర్రులో అభివృద్ధి పనులకు శంకుస్థాపన చేసిన ఎమ్మెల్యే దాట్ల సుబ్బరాజు
కాకినాడ జిల్లా తాళ్ళరేవు మండలంలోని పోలేకుర్రు పంచాయతీ పరిధిలోని సంకటరేవు జై భీమ్ పేట గ్రామాల్లో ఆదివారం స్థానిక శాసనసభ్యులు ప్రభుత్వ పలు అభివృద్ధి పనులను ప్రారంభించారు. సి ఎస్ ఆర్ నిధులతో 30 లక్షల రూపాయలతో నూతన భవనాల నిర్మాణానికి శంకుస్థాపన చేసి పనులు ప్రారంభించారు. అనంతరం జై భీమ్ పేట మండల ఎస్సీ సెల్ నాయకులు జక్కల ప్రసాద్ బాబు ఆధ్వర్యంలోగ్రామంలో తల్లికి వందనం కృతజ్ఞత సభకు హాజరయ్యారు. ఎమ్మెల్యేను స్థానిక నాయకులు విద్యార్థుల తల్లిదండ్రులు సత్కరించారు. ఈ సందర్భంగా సభలో ఎమ్మెల్యే మాట్లాడుతూ తల్లికి వందనం కార్యక్రమం ప్రారంభించి ఇంటిలో ఉన్న ప్రతి విద్యార్థికి ఎంతమంది ఉంటే అంత మందికి పథకం అమలయ్యేలా చర్యలుతీసుకున్నమని, గత ప్రభుత్వంలో అయితే ఇంట్లో ఇద్దరు ముగ్గురు పిల్లలు ఉన్న ఒకరికి మాత్రమే ఇచ్చేవారని కానీ కూటమి ప్రభుత్వంలో ఒకే ఇంటిలో ఐదుగురు పిల్లలున్న ఆరుగురు పిల్లలున్న అందరికీ పథకం వర్తింపజేసామని గుర్తు చేశారు.స్థానిక గ్రామంలోని పలువురు విద్యార్థుల తల్లిదండ్రులు ముఖ్యమంత్రి నారా చంద్రబాబు నాయుడు చిత్రపటానికి ఎమ్మెల్యే దాట్ల సుబ్బరాజు చిత్రపటానికి పాలాభిషేకం చేశారు. ఈ కార్యక్రమానికి మండల వ్యాప్తంగా అధిక సంఖ్యలో కూటమి నాయకులు తరలివచ్చారు. ఈ కార్యక్రమంలో జక్కల ప్రసాద్ బాబు, మందాల గంగ సూర్యనారాయణ, టేకుమూడి లక్ష్మణరావు, ధూళిపూడి బాబి, వాడ్రేవు వీరబాబు, వడ్లమూరి సతీష్, సాధనాల వెంకట శివరామకృష్ణ, సాధనాల ప్రసాద్, వూడా రాంబాబు, పోల్నాటి సుభాష్,పినిపే నాగేంద్రరావు, తాళ్ళరేవు, పి మల్లవరం, పోలేకుర్రు పంచాయతీల నాయకులు కార్యకర్తలు పాల్గొన్నారు.
