ప్రతిపక్షాలు చేసే ఆసత్య ప్రచారాలను తిప్పికొట్టాలి…

కూటమి ప్రభుత్వం చేసే అభివృద్ధిని చూసి ఓర్వలేని ప్రతిపక్షాలు చేసే ఆసత్య ప్రచారాలు తిప్పికొడుతూ,తెలుగుదేశం పార్టీ సిద్ధాంతాలకు అనుగుణంగా ప్రతి కార్యకర్త నడుచుకొని పార్టీ బలోపేతానికి కృషి చేయాలని మండపేట మాజీ మున్సిపల్ ఛైర్మన్, తణుకు నియోజకవర్గ టిడిపి పరిశీలకులు చుండ్రు శ్రీ వర ప్రకాష్ అన్నారు. నియోజకవర్గ కేంద్రం తణుకులో జరిగిన తెలుగుదేశం పార్టీ మండల గ్రామ కమిటీల ప్రమాణ స్వీకార కార్యక్రమంలో ఆయన పాల్గొని మాట్లాడారు. తణుకు ఎమ్మెల్యే ఆరుమీల్లి రాధాకృష్ణ అధ్యక్షతన జరిగిన ఈ కార్యక్రమంలో ప్రకాష్ తో పాటు ఏపీ సైన్స్ అండ్ టెక్నాలజీ చైర్మన్, టిడిపి జోనల్ కోఆర్డినేటర్ మందవరపురవి, పశ్చిమగోదావరి జిల్లా టిడిపి పార్టీ అధ్యక్షులు రామరాజు లు ముఖ్య అతిథులుగా హాజరయ్యారు. ఈ సందర్భంగా ప్రకాష్ మాట్లాడుతూ నూతన కార్యవర్గానికి అభినందనలు తెలియజేశారు. రాబోయే స్థానిక ఎన్నికల్లో కూటమి ఘన విజయానికి ప్రతి ఒక్కరు కృషి చేయాలని కోరారు. పార్టీ కష్టకాలంలో ఉన్నప్పుడు కష్టపడిన ప్రతి కార్యకర్తను నాయకులను పార్టీ గుర్తు పెట్టుకుంటుందని తెలియజేశారు.