జగన్ తీరు పై సల్మాన్ హుస్సేన్ విమర్శలు..
రైతులు కష్టాల్లో ఉన్న సమయంలో వారిని పరమార్శించకుండా జగన్ రోడ్ షో లు చేస్తూ రాజకీయలబ్ధికి ప్రయత్నం చేస్తున్నారని తెలుగుదేశం రాష్ట్ర మైనారిటీ సెల్ కార్యదర్శి సల్మాన్ హుస్సేన్ విమర్శించారు.మెంథా తుఫాన్ కారణంగా ఆంధ్రప్రదేశ్ రైతులు తీవ్రంగా నష్టపోయి ఇంకా సరిగ్గా ఊపిరి పీల్చుకోకముందే, ప్రస్తుత పులివెందుల ఎమ్మెల్యే జగన్ మోహన్ రెడ్డి రైతు పరామర్శ యాత్ర పేరుతో రైతు తుఫాన్ లో దెబ్బ తిన్నా పంట పొలాల ప్రాంతాలలో పర్యటించకుండా సానుభూతి కోసం తనతో మిగిలిన తన అనుచరులతో జగన్ రోడ్ల పై రోడ్డు షోలుప్రదరసిస్తున్నారనీ విమర్శించారు. ఈ రోడ్డు షో లో సామాన్య ప్రజలు రాకపోవడం జగన్ అనుచరులు మాత్రమే పాల్గొంటున్నారని ఎద్దేవా చేశారు.రాజకీయ రోడ్డుషో ప్రదర్శన మొదలు పెట్టడం రైతుల మనసును మరింత దెబ్బతీసిందన్నారు. తుఫాన్ సమయంలో రైతులు కడప, నెల్లూరు, గుంటూరు, తూర్పు గోదావరి జిల్లాల్లో పంటలతో పాటు జీవనాధారం కోల్పోతూ ఆర్తనాదం చేస్తుంటే, జగన్ పది రోజుల పాటు బెంగళూరు ప్యాలస్లో విశ్రాంతి తీసుకున్నారని మండిపడ్డారు. ఇప్పుడు ఆకస్మికంగా బయటకు వచ్చారని విమర్శించారు. పెద్ద కాన్వాయ్లతో పెయిడ్ గ్యాంగ్ సహాయంతో తనతో పాటు తెచ్చిన ప్లెక్స్ కార్డు పెయిడ్ ఆర్టిస్ట్ లకు ఇచ్చారన్నారు. రోడ్లను బ్లాక్ చేసి, ప్రజలకు, ట్రాఫిక్ను ఇబ్బంది కలిగిస్తున్నారని దుయ్యబట్టారు. రైతు పరామర్శ యాత్ర అంటూ సానుభూతి పొందడానికి నాటకం వేస్తున్నారని తప్పుబట్టారు.జగన్ ప్రభుత్వం హయం లో పంట బీమా చెల్లింపుల్లో ఆంధ్రప్రదేశ్ దేశం లోనే చివరి స్థానంలో ఉందన్నారు.
