గాడిమొగలో సి ఎస్ ఆర్ నిధులతో అంగన్వాడి కేంద్రం ప్రారంభించిన ఎమ్మెల్యే దాట్ల
కాకినాడ జిల్లా ముమ్మిడివరం నియోజకవర్గం తాళ్లరేవు మండలంలోని గాడిమొగ పంచాయతీ పరిధిలోని గాడిమొగ గ్రామంలో బుధవారంసిఎస్ఆర్ నిధుల ద్వారా నిర్మించిన అంగన్వాడీ నూతన భవనాన్ని ఎమ్మెల్యే దాట్ల సుబ్బరాజు ప్రారంభించారు. గాడిమొగ రిలయన్స్ ఇండస్ట్రీస్ ద్వారా సి ఎస్ ఆర్ నిధులు 21 లక్షల రూపాయలు మంజూరు చేసి పంచాయతీలో భవనాన్ని నిర్మించినట్లు తెలిపారు. పంచాయతీ పరిధిలోని నూతన అంగన్వాడి భవన నిర్మాణం పట్ల స్థానికులు ఆనందం వ్యక్తం చేశారు. ఈ కార్యక్రమంలో ముమ్మిడివరం నియోజకవర్గ శాసనసభ్యులు దాట్ల సుబ్బరాజు, గాడిమొగ పంచాయతీ సర్పంచ్ కామాడి మాతరాజు గోవలక్ష్మి, శెట్టిబలిజ కార్పొరేషన్ డైరెక్టర్ టేకుమూడి లక్ష్మణరావు, పొన్నమండ రామలక్ష్మి, వాడ్రేవు వీరబాబు, సంగాడి కామేశ్వరరావు, ధూళిపూడి వెంకటరమణ (బాబి), జక్కల ప్రసాద్ బాబు, మందాల గంగ సూర్యనారాయణ, సాధనాల వెంకట శివరామకృష్ణ, సాధనాల ప్రసాద్, తాళ్ళరేవు మండలం నాయకులు కార్యకర్తలు అధిక సంఖ్యలో పాల్గొన్నారు.
