విశ్వంవాయిస్ న్యూస్ డెస్క్, రాయవరం:
మద్యం సీసాలతో ఓ వ్యక్తిని అరెస్ట్ చేసి రిమాండ్ కి పంపించినట్లు రాయవరం ఎస్సై పి. వి ఎస్ ఎస్ ఎన్ సురేష్ ఆదివారం స్థానిక విలేకరులకు తెలిపారు. ఎస్సై తెలిపిన వివరాలు ప్రకారం మండలంలో శనివారం రాత్రి లొల్ల గ్రామ శివారు కుతుకులూరు రోడ్డు వద్ద ఎస్సై తన సిబ్బందితో వాహనాలు తనిఖీ చేస్తుండగా రాయవరం గ్రామానికి చెందిన గాడా మసీను తన మోటార్ సైకిల్ పై 105 మద్యం సీసాలను గుర్తించి మసీనును అదుపులోకి తీసుకుని కేసు నమోదు చేసి అతని వద్ద 105 మద్యం సీసాలను, మద్యం తరలించడానికి ఉపయోగించిన ద్విచక్ర వాహనమును స్వాధీనం చేసుకుని గాడ మసీనును ఆదివారం రిమాండ్కు తరలించినట్లు ఎస్ఐ సురేష్ తెలిపారు. ఈ కార్యక్రమంలో ఏఎస్సై పి వెంకటేశ్వరరావు పోలీస్ సిబ్బంది ఉన్నారు.
