పూర్వ జన్మ సుకృతంతోనే స్వామి వారికి సేవ చేసే భాగ్యం

విశ్వంవాయిస్ న్యూస్, రాజమహేంద్రవరం

రాజమహేంద్రవరం, విశ్వం వాయిస్ న్యూస్:

కలియుగ దైవం శ్రీ వేంకటేశ్వర స్వామి వారికి సేవ చేసే భాగ్యం కలగడం తన పూర్వ జన్మ సుకృతమని టిటిడి ట్రస్ట్ బోర్డ్ సభ్యులు అక్కిన మునికోటేశ్వరరావు పేర్కొన్నారు. తిరుమల తిరుపతి దేవస్థానం ట్రస్ట్ బోర్డు డైరెక్టర్ గా నియమితులైన అక్కిన ముని కోటేశ్వరరావును స్థానిక ఆర్ వి నగర్ లోని వారి స్వగృహంలో గురువారం పలువురు ప్రముఖులు కలుసుకొని పూలబొకేలు,మొక్కలు అందజేసి శుభాకాంక్షలు తెలియజేశారు. ఈ సందర్భంగా టిటిడి బోర్డు సభ్యులు ముని కోటేశ్వరరావు మాట్లాడుతూ శ్రీవారి కృపతో, ముఖ్యమంత్రి నారా చంద్రబాబు నాయుడు,భువనేశ్వరి అమ్మ ఆశీస్సులతో తనకు ఈ పదవి దక్కిందన్నారు.చిన్నప్పటి నుండి తాను శ్రీ వెంకటేశ్వర స్వామి వారి భక్తుడుని అని,ఏ కార్యక్రమాన్ని అయిన స్వామి వారి ఆశీస్సుల తోనే చేపట్టడం జరుగుతుందన్నా రు.స్వామి వారి సేవలో గడిపే భాగ్యం లభించడం పట్ల ఆనందం వ్యక్తం చేశారు. ఆ అవకాశం కల్పించిన స్వామివారికి, ముఖ్యమంత్రి చంద్రబాబు నాయుడులకు ధన్యవాదాలు తెలియజేశారు.తనకు శుభాకాంక్షలు తెలిపిన ప్రతి ఒక్కరికి ధన్యవాదాలు తెలిపారు. ప్రముఖ కాంట్రాక్టర్ చెరుకూరి కృష్ణాజీ, జనసేన నాయకులు చెరుకూరి వెంకట రామారావు, మాజీ కార్పొరేటర్ పరిమి వాసు, కాంట్రాక్టర్ మంతెన కేశవరాజు, మంతెన సత్యనారాయణ రాజు మాస్టారు,బివిఎన్ రెడ్డి, కామిని తాతారావు,ముళ్ళపూడి వేణు, పుట్టా రాజేంద్ర,కాటవరం రంగారావు, బొప్పన వెంకట్రావు, బొప్పన నాగేశ్వరరావు, విశ్వనాధరాజులతో పాటు రఘుదేవపురం,ముగ్గళ్ళ, తొర్రేడు,మిర్తిపాడు, రాజమండ్రి సిటీ,రూరల్ కు చెందిన పలువురు టిడిపి నాయకులు, ప్రముఖులు టిటిడి బోర్డు డైరెక్టర్ అక్కిన ముని కోటేశ్వరరావును అభినందించారు.