విశ్వంవాయిస్ న్యూస్ డెస్క్, కాకినాడ:
కాకినాడ ( విశ్వం వాయిస్ న్యూస్ )
కాకినాడ, మే28; సెంటర్ ఆఫ్ ఇండియన్ ట్రేడ్ యూనియన్స్ (సిఐటియు) కాకినాడ నగర కమిటీ ఆధ్వర్యంలో కాకినాడ జిల్లా పరిషత్ సెంటరులో ఏర్పాటు చేసిన మజ్జిగ పంపిణీ కార్యక్రమాన్ని ఎమ్మెల్సీ ఇళ్ళ వెంకటేశ్వరరావు (ఐ.వి.) ప్రారంభించారు.
ఈ సందర్భంగా ఆయన మాట్లాడుతూ ఇది కార్మికులు, కష్టజీవులు నిర్వహిస్తున్న మజ్జిగ పంపిణీ అని పేర్కొన్నారు.అనేక మంది బాటసారులు,వాహనదారులు శిబిరం వద్దకు వచ్చి మజ్జిగ స్వీకరించారు. ఈ కార్యక్రమానికి కీ.శే. ఖండవిల్లి సీతారామం జ్ఞాపకార్ధం వారి కుమారుడు కె.ఎ.శ్రీనివాస్ (టీచర్) ఆర్ధిక సహాయం అందించారని తెలిపారు.
ఈ కార్యక్రమంలో యుటిఎఫ్ రాష్ట్ర కార్యదర్శి జి.ప్రభాకర వర్మ, సిఐటియు జిల్లా కోశాధికారి మలక వెంకట రమణ,జిల్లా కమిటీ సభ్యుడు మేడిశెట్టి వెంకట రమణ,నగర అధ్యక్షుడు పలివెల వీరబాబులతో పాటు ఎస్.ఎఫ్.ఐ. నాయకులు రాజా, సూరిబాబు,మణికంఠ,విద్య, డింపుల్,అమృత,అభ్యుద్ తదితరులు పాల్గొన్నారు.
