15న విశాఖ పర్యటనలో పవన్ కు ఘన స్వాగతం పలికేందుకు అత్యంత భారీ ఏర్పాట్లు లో బత్తుల

విశ్వంవాయిస్ న్యూస్ డెస్క్, రాజానగరం:

15న విశాఖ పర్యటనలో పవన్ కు ఘన స్వాగతం పలికేందుకు అత్యంత భారీ ఏర్పాట్లులో బత్తుల

– సభను విజయవంతం చేయాలని బలరామ కృష్ణ పిలుపు

రాజానగరం,విశ్వం వాయిస్ న్యూస్:

మూడు రోజుల ఉత్తరాంధ్ర పర్యటనలో భాగంగా ఈ నెల 15వ తేదీన ప్రత్యేక విమానం ద్వారా విశాఖకు చేరుకుంటున్న జనసేన అధ్యక్షులు పవన్ కళ్యాణ్ కి రాజానగరం నియోజకవర్గ జనసేన పార్టీ తరఫున ఘన స్వాగతం పలికేందుకు అత్యంత భారీ ఏర్పాటు చేస్తున్నారు.రాజానగరం నియోజకవర్గ జనసేన నాయకులు బత్తుల బలరామకృష్ణ పర్యటనలో భాగంగా రాజానగరం నియోజకవర్గ నుండి సుమారు 200 కార్లలో జనసేన నాయకులు, జనసైనికులు,వీర మహిళలతో కలిసి విశాఖ వెళ్లడానికి భారీ కాన్వాయ్ సిద్ధం చేస్తున్నారు.ఈ కార్యక్రమానికి వెళ్ళే వారందరికీ జనసేన టీ షర్ట్లు,జనసేన కార్ స్టిక్కర్లు,జనసేన జెండాలు… ఉదయం, మధ్యాహ్నం భోజన ఏర్పాట్లు, దారి పొడవునా హోల్డింగ్లు జనసేన ఫ్లెక్సీలతో అన్ని విధాల ఘనంగా ఏర్పాట్లు చేస్తున్నారు.అలాగే విశాఖ ఎయిర్పోర్ట్ నుంచి కార్యక్రమాలు జరిగే సభ జరిగే ప్రదేశం వరకు విశాఖ అంతా భారీ హోల్డింగ్ తో, ఫ్లెక్సీలతో ఘన స్వాగతం పలికేందుకు భారీ ఏర్పాటు చేస్తున్నారు.దీనికి సంబంధించి ఈ కార్యక్రమాన్ని ఎలా విజయవంతం చేయాలి అనే దానిపై రాజానగరం నియోజకవర్గ జనసేన నాయకులు, జనసైనికులు, వీర మహిళలతో సమావేశం నిర్వహించి అందరి అభిప్రాయం తీసుకుని, సమిష్టిగా, ప్రతిష్టాత్మకంగా ఈ కార్యక్రమాన్ని అత్యంత విజయవంతం చేయాలని పిలుపునిచ్చారు.