విశ్వంవాయిస్ న్యూస్ డెస్క్, అమలాపురం పట్టణం:
*ఆక్వా రైతుల సమస్యలపై 20వ తేదీన నిర్వహిస్తున్న సమావేశంలో అధిక సంఖ్యలో పాల్గొనాలని కోరిన*
*ఆక్వా రైతుల సంఘం నాయకులు*
ఆక్వా రైతుల సమస్యలపై ఈనెల 20వ తేదీన నిర్వహిస్తున్న సమావేశాన్ని ఆక్వా రైతులు అధిక సంఖ్యలో సమావేశంలో పాల్గొని విజయవంతం చేయాలని ఆక్వా రైతుల సంఘం నాయకులు టి. నాగభూషణం, రుద్రరాజు నాని రాజు, దెందుకూరి సత్యనారాయణ రాజు (సత్తిబాబు రాజు), యాళ్ళ వెంకటానందం పిలుపునిచ్చారు. అమలాపురం క్షత్రియ మండపంలో ఆక్వా రైతుల సంఘం నాయకులు సమావేశమై ఏపీ సదా వైస్ చైర్మన్ రఘురామ్ 20వ తేదీన అమలాపురం వస్తున్న నేపథ్యంలో ఆక్వా రైతుల సమస్యలను వారి ద్వారా ప్రభుత్వం దృష్టికి తీసుకు వెళ్లేందుకు ప్రయత్నం చేద్దామన్నారు. 20 తేదీన జరిగే సమావేశానికి ఆక్వా రైతులు అధిక సంఖ్యలో పాల్గొని సమస్యలను రఘురాం దృష్టికి తీసుకువెళ్ళి, సమావేశాన్ని విజయవంతం చేయాలని అక్వా సంఘం నాయకులు కోరారు. ఈ కార్యక్రమంలో ఆక్వా రైతులు పాల్గొన్నారు
