విశ్వంవాయిస్ న్యూస్ డెస్క్, ఆలమూరు:
మండల స్థాయి క్రీడా పోటీలకు ఆహ్వానం
ఫోటో రైట్ అప్ ఆలమూరు: పోటీలు వివరాలు తెలుపుతున్న మండల విద్యాశాఖ అధికారి
ఆలమూరు (విశ్వం వాయిస్ న్యూస్): మండల కేంద్రమైన ఆలమూరు శివారు కొత్తూరు సెంటర్లో గల ప్రభుత్వ ఉన్నత పాఠశాలలో ప్రభుత్వ ఆదేశాల మేరకు మండల స్థాయి క్రీడా ఎంపికలు ఆంధ్రప్రదేశ్ స్కూల్ గేమ్స్ ఫెడరేషన్ ఆఫ్ ఇండియా వారి ఆధ్వర్యంలో ఈ నెల 27,28 తేదీల్లో నిర్వహించాలని మండల విద్యాశాఖ అధికారి(ఏమ్ఈఓ)డి.మురళి సత్యనారాయణ,మండల క్రీడాపోటీల సమన్వయకర్త జి. సూర్య శంకర్రావులు తెలియజేశారు.ఈ సందర్భంగా వారు మాట్లాడుతూ ఈ క్రీడా పోటీలలో బాలబాలికలకు అండర్ -14 ,17 విభాగాల్లో కొత్తూరు సెంటర్ ప్రభుత్వ ఉన్నత పాఠశాల క్రీడా ప్రాంగణంలోకబడ్డీ,ఖోఖో,
వాలీబాల్,త్రోబాల్,టెన్నీకాయిట్,
బాల్ బ్యాడ్మింటన్,షటిల్ బ్యాడ్మింటన్,యోగా అంశాల్లో ఎంపికలుజరుగుతాయన్నారు.
పోటీల్లో పాల్గొనే క్రీడాకారులు ఎలిజిబిలిటీ ఫారంలు మీ గ్రామ పరిధిలోని పాఠశాలలోని హెచ్ఎంలతో సంతకం చేయించుకుని తీసుకురావాలన్నారు.ఎంపికలు నేరుగా నియోజకవర్గ స్థాయిలో జరుగుతాయన్నారు. క్రీడల్లో ఎంపికైన విద్యార్థులు కొత్తపేట నియోజకవర్గ స్థాయిలో జరిగే ఎంపికల్లో హాజరు కావాలని తెలియజేశారు.
