రావులపాలెం యువకుల షార్ట్ ఫిల్మ్ షూటింగ్ ప్రారంభం

విశ్వంవాయిస్ న్యూస్, రావులపాలెం:

రావులపాలెం

డి.ఎస్.బి ఫిలింస్ పతాకంపై సుబ్బు.ఆర్ దర్శకత్వంలో ప్రొడక్షన్ 2 గా రూపొందనున్న నూతన షార్ట్ ఫిల్మ్ షూటింగ్ మంగళవారం సాయంత్రం కోనసీమ ముఖద్వారం రావులపాలెంలో ప్రారంభమైంది. స్థానిక శ్రీ వినాయక ఆలయంలో దర్శకుడు సుబ్బు సిద్దం చేసిన స్క్రిప్ట్ ను స్వామి వారి వద్ద ఉంచి ప్రత్యేక పూజలు నిర్వహించారు. అనంతరం ఆ స్క్రిప్టును ఆలయ కమిటీ ఛైర్మన్ కర్రి శ్రీనివాసరెడ్డి, అర్చకులు యూనిట్ సభ్యులకు అందజేసారు. ఈ సందర్భంగా దర్శకుడు సుబ్బు మాట్లాడుతూ కామెడీ ప్రధానంగా ఒక చక్కటి సందేశంతో ఈ చిత్రాన్ని రూపొందిస్తున్నామని చెప్పారు. వచ్చే సంక్రాంతికి (డి.ఎస్.బి ఫిలింస్) యూట్యూబ్ ఛానెల్ ద్వారా విడుదల చేయాలని నిర్ణయించామన్నారు. షార్ట్ ఫిల్మ్ టైటిల్ ను త్వరలో ప్రకటిస్తామని చెప్పారు. నవీన్ కళ్యాణ్, హనీ వీనస్ హీరో హీరోయిన్లుగా తెరకెక్కుతున్న ఈ చిత్రానికి సుబ్బు.ఆర్ డైరెక్టర్ కాగా డిఓపి, ఎడిటింగ్ నాగ భగవాన్, డైలాగ్స్ సాంగత్య, కో డైరెక్టర్ భైరిశెట్టి శ్రీకాంత్. ఇంకా ఇతర పాత్రల్లో పలివెల త్రిమూర్తులు, దాసరి సత్తిబాబు, పర్ణిక, పవన్ కుమార్, టి. కృష్ణవంశీ, ఆర్.రవితేజ, ఎం. పవన్ పోషిస్తున్నారు..