విశ్వంవాయిస్ న్యూస్, తాళ్లరేవు:
తాళ్ళరేవులో సంబరాలు చేసుకుంటున్న తెలుగుదేశం పార్టీ నాయకులు
ఎమ్మెల్సీ ఎన్నికల్లో టిడిపి మూడు స్థానాలను సాధించిన సందర్భంగా మండల టిడిపి నేతలు తాళ్లరేవులో సంబరాలు చేసుకున్నారు. సంతపేట సెంటర్లో టిడిపి నేత టేకుమూడి లక్ష్మణరావు ఆధ్వర్యంలో కేక్ కోసి కార్యకర్తలకు పంపిణీ చేశారు. అనంతరం చంద్రబాబు నాయకత్వం వర్ధిల్లాలని నినాదాలు చేశారు. రానున్న రోజుల్లో తెలుగుదేశం పార్టీని ప్రజలంతా ఏకమై ఎన్నిక చేసి చంద్రబాబు నాయుడును ముఖ్యమంత్రిగా ప్రజలు చేస్తారని, మనమందరము కృషి చేయాలని కార్యకర్తలను లక్ష్మణరావు కోరారు. ఈ కార్యక్రమంలో కట్ట త్రిమూర్తులు, జక్కల ప్రసాద్ బాబు, ధూళిపూడి వెంకటరమణ, పొన్నమండ రామలక్ష్మి, సాధనాల వెంకట శివరామకృష్ణ, ఊడావెంకట రామకృష్ణ, జనపల్లి ఈశ్వరరావు, వాడ్రేవు వీరబాబు, వెంటపల్లి చంద్రమౌళి, పండు గంగా వరప్రసాద్, దడాల సురేష్, పి మల్లవరం, పోలేకుర్రు, తోటపేట గ్రామాల నుంచి కార్యకర్తలు పాల్గొన్నారు.
