విశ్వంవాయిస్ న్యూస్, రాజమహేంద్రవరం
రాజమహేంద్రవరం , విశ్వం వాయిస్ న్యూస్:
స్థానిక నాళం బీమరాజు వీధిలోని శ్రీ సిద్ధి లక్ష్మీ గణపతి ఆలయం వద్ద గణేష్ నవరాత్రి ఉత్సవాలు వేడుకగా జరుగుతున్నాయి. ఈ వేడుకల్లో భాగంగా శుక్రవారం డాల్డా మురళి, లలిత దంపతుల ఆధ్వర్యంలో శ్రీ సిద్ధి లక్ష్మీ అమ్మవారి కుంకుమార్చన వైభవంగా జరిగింది. సుమారు 3000 మంది మహిళలు ఈ కుంకుమార్చన వేడుకకు హాజరై అమ్మ వారికి పసుపు, కుంకుమ, శ్రీ కూర్మా బొమ్మ (తాబేలు)లతో ప్రత్యేక పూజలు చేశారు. కాగా 14వ తేదీ ఉదయం 8 గంటలకు శ్రీ రమా సహిత వీర వెంకట సత్యనారాయణ స్వామి వారి వ్రతాలు, సాయంత్రం 6 గంటలకు పంచామృత అభిషేకం, 15వ తేదీ సాయంత్రం 6 గంటలకు ఉంజల్‌ సేవ, 16వ తేదీ మధ్యాహ్నం 3 గంటలకు గణేష్ ఊరేగింపు నిమజ్జనం ఉంటాయన్నారు. 22వ తేదీన భక్తులకు భారీ అన్న సమారాధన జరుగుతుందని నిర్వాహకులు తెలిపారు. ఈ కార్యక్రమంలో ఆలయ కమిటీ సభ్యులు మాటూరి రంగారావు, శెట్టి జగదీష్‌, మాటూరి సిద్ధు, మద్ది నారాయణరావు, నల్లం ఆనంద్‌, బ్రింగ్‌మళ్ల నారాయణ, డాల్డా మురళి, కొత్త రాజేష్‌, మోతమరి లలిత, కొపర్తి మురళి, పింకేష్‌ సోహాన్‌, పెద్దమర్ల బద్రి, నిమ్మలపూడి గోవింద్‌, ఈఓ, అధిక సంఖ్యలో భక్తులు తదితరులు పాల్గొన్నారు.
