ఎమ్మెల్యే జ్యోతుల నెహ్రూ దంపతులు, జ్యోతుల నవీన్ దంపతులు ముఖ్య అతిధులుగాసుబ్రహ్మణ్యేశ్వర స్వామి శిలా మూర్తి ప్రతిష్ట మహోత్సవం
స్థానిక రావులమ్మ నగర్‌లోని ఎమ్మెల్యే క్యాంప్‌ఆఫీస్‌లో జగ్గంపేట శాసనసభ్యులు జ్యోతుల నెహ్రూకు శ్రీవల్లి సుబ్రహ్మణ్యేశ్వర స్వామి విగ్రహ ఆవిష్కరణ, శిలామూర్తి ప్రతిష్ట మహోత్సవానికి సంబంధించిన ఆహ్వాన పత్రాన్ని ఆహ్వాన కమిటీ సభ్యులు పాలచర్ల మంగారావు, పాలచర్ల నాగేంద్ర చౌదరి, కందుల వీరబాబు అందజేశారు.ఈ సందర్భంగా కమిటీ సభ్యులు మాట్లాడుతూ గండేపల్లి మండలం తాళ్లూరు ఉప్పలపాడు వెళ్లే మార్గంలో పోలవరం కాలువ గట్టు పక్కన ప్రతిష్టించిన 18 అడుగుల ఎత్తయిన శ్రీవల్లి సుబ్రహ్మణ్యేశ్వర స్వామి విగ్రహ ఆవిష్కరణ కార్యక్రమం అక్టోబర్ 26వ తేదీ బుధవారం ఉదయం 9:15 గంటలకు నిర్వహించనున్నట్లు తెలిపారు. సీతానగరం మండలం చిన్నకొండేపూడి గ్రామకాపరస్తులు యనమదల నాగేశ్వరరావు పద్మ దంపతులు ఈ ప్రతిష్ఠ కార్యక్రమాన్ని నిర్వహిస్తున్నారు.ఈ మహోత్సవానికి ముఖ్య అతిథులుగాజగ్గంపేట శాసనసభ్యులు జ్యోతుల నెహ్రూమణి దంపతులుజిల్లా టిడిపి అధ్యక్షులు జ్యోతుల నవీన్ లక్ష్మీదేవి దంపతులుభారతీయ ధర్మ పరిషత్ రాష్ట్ర కార్యనిర్వాహకులు, సత్య సనాతన గోసంరక్షణ పరిషత్ అధ్యక్షులు, టిడిపి యువ నాయకులు పాలచర్ల నాగేంద్ర చౌదరి హాజరవనున్నారని కమిటీ వెల్లడించింది.ఈ వేడుకలకు యావద్భక్తులు హాజరై స్వామివారి తీర్థప్రసాదాలను స్వీకరించి దైవకృపకు పాత్రులుకావాలని కమిటీ కోరింది.కార్యక్రమంలో రాష్ట్ర టిడిపి కార్యదర్శి ఎస్‌వీఎస్ అప్పలరాజు, రాష్ట్ర కమ్మ కార్పొరేషన్ డైరెక్టర్, గండేపల్లి మండల టిడిపి అధ్యక్షులు పోతుల మోహనరావు, పాలచర్ల మంగారావు, కందుల వీరబాబు తదితరులు పాల్గొన్నారు.
