మండల వ్యాప్తంగా 170 చేనేత కార్మికుల కుటుంబాలకు సహాయం
గ్రామంలో 56 కుటుంబాలకు సరఫరా చేసిన కూటమి నాయకులు
ఇటీవల రాష్ట్రంలో అలజడి సృష్టించిన మొంథా తుఫాను తీవ్రత దృష్ట్యా ఏర్పాటు చేసిన పునరావాస కేంద్రాలలో ఆశ్రయం పొందిన బాధిత కుటుంబాలకు ఆర్థిక సహాయం, నిత్యావసర సరుకులను అందోంచడం తో పాటు, తుఫాను తీవ్రత వలన జీవనోపాధి కి ఆటంకం ఏర్పడిన చేనేత ,మత్స్యకార కుటుంబాలకు కూడా రాష్ట్ర ప్రభుత్వం చేయూత నందిస్తూ, సహాయంగా ప్రకటించిన నిత్యవరాలను కూటమి కార్యకర్తలు,లబ్దిదారులకు గురువారం అందించారు. డాక్టర్ బి ఆర్ అంబేద్కర్ కోనసీమ జిల్లా, మండల కేంద్రమైన రాయవరంలో స్థానిక శాసన సభ్యులు వేగుళ్ళ జోగేశ్వరరావు ఆదేశాల మేరకు చేనేత కార్మికులకు నిత్యావసర వస్తువులను రాయవరం టీడీపీ ఇంచార్జ్ వుండవిల్లి రాంబాబు, కూటమి కార్యకర్తలు పంపిణీ చేసారు. మండల వ్యాప్తంగా 170 చేనేత కార్మికుల కుటుంబాలకు జిల్లా కలెక్టర్ ఆర్ మహేష్ కుమార్ సహాయం మంజూరు చేయగా మండల కేంద్రమైన రాయవరం లోనే 56 చేనేత కుటుంబాలు లబ్ధిదారులు గా గుర్తించారు. ఈ కార్యక్రమంలో భాగంగా కుటుంబానికి 50 కేజీ ల బియ్యం, కేజీ పంచదార, నూనె, కందిపప్పు,, బంగాళాదుంపలు, ఉల్లిపాయలు చొప్పున అందించారు. ఈ సందర్బంగా ఎమ్మెల్యే వేగుళ్ళ జోగేశ్వరరావు, వుండవిల్లి రాంబాబు, కూటమి నాయకులకు చేనేత సంఘాల నాయకులు కృతజ్ఞతలు తెలిపారు. ఈ కార్యక్రమంలో ఐటీడీపి నాయకులు దొంతంశెట్టి బాల కేదారీశ్వరుడు, జనసేన నాయకులు దేవిశెట్టి కోటేశ్వరరావు, చందన వెంకటేశ్వరరావు,చల్లా సత్యనారాయణ, కామిశెట్టి ప్రసన్న, చంద్రమల్ల రాజు, నేతల సురేష్, కందుకూరి గంగరాజు, మచ్చా సూర్యారావు, మల్లిపూడి చిన్న, ఇతర కూటమి నాయకులు, చేనేత కార్మికులు పాల్గొన్నారు.
