వెల్లువలా సాగిన దేశభక్తి విద్యార్థులకు వివరించిన అధికారులు
దేశంలో స్వతంత్ర కాంక్షను రగిలించిన వందేమాతరం గేయం బక్కిం చంద్రనాద్ చటర్జీ రచించి 150 సంవత్సరాలు పూర్తి అయిన సందర్భంగా కేంద్ర ప్రభుత్వ పిలుపుమేరకు దేశంలో పలుచోట్ల వందేమాతరం గీతాలాపన జరిగించారు.
* వందేమాతర గేయం చరిత్ర
కలకత్తాలో జరిగిన భారత జాతీయ కాంగ్రెస్ సమావేశంలో 1866 సంవత్సరం లో గురుదేవ్ రవీంద్రనాథ్ ఠాగూర్ మొదటి సారి వందేమాతరం గీతాన్ని ఆలపించగా, అప్పటినుండి వందేమాతరం పాడడం ఒక సంప్రదాయంగా మారింది. బ్రిటిష్ వారి పై తిరుగుబాటు ఉద్యమాలలో వందేమాతరం గీతాన్ని పసిపిల్లల నుంచి వృద్ధుల దాకా నినదిస్తూనే తెల్ల దొరలను ఎదురించారు. అంత గొప్పస్పూర్తిని, ఉద్యమకాంక్షను రగిలించిన శక్తిమంతమైన జాతీయ గీతం వందేమాతరం. స్వతంత్ర కాంక్ష సన్నగిల్లిన బ్రతుకులలో నరనరాన దేశభక్తిని నింపి, పోరాట స్ఫూర్తిని పెంచిన సంజీవని. బ్రిటిష్ వారి మెడలువంచిన సమర స్వరమే వందేమాతరం. దీనిని 1875 నవంబరు 7 న బంకిం చంద్ర ఛటర్జీ రచించగా, బ్రిటిష్ కొలువులో పనిచేస్తూనే భారతీయ ఆత్మతో రగిలిపోయిన చటర్జీ బెంగాలీ కవి, వ్యాస రచయిత, సంపాదకీయునిగా పలు భాద్యతలు నిర్వహించారు. ఆయన రాసిన ఆనంద్ మర్ అనే నవల నుంచి ఈ అజరామర వందేమాతరం గీతాన్ని సంగ్రహించగా, ఈ గీతం భారత స్వాతంత్ర్య సంగ్రామంలో సమర శంఖంగా పనిచేసింది.
కాగా మండలంలోని పలు ప్రాంతాలలో అధికారులు, నాయకులు, ఉపాధ్యాయులు, విద్యార్థులు అంతా తమ,తమ పరిథిలో వందేమాతర గీతాన్ని ఆలపించి దేశభక్తిని చాటుకున్నారు.
* మండల కార్యాలయాల సముదాయం
డాక్టర్ బి.ఆర్ అంబేద్కర్ జిల్లా, మండల కేంద్రమైన రాయవరంలోని మండల కార్యాలయాల సముదాయం ప్రాంగణంలో ఉన్న మహాత్మాగాంధీ విగ్రహం వద్ద మండల పరిపాలన అధికారి వై ఎన్ ఎన్ గోపాల్ అధ్యక్షతన మండల అభివృద్ధి అధికారి కార్యాలయ సిబ్బంది,మండల విద్యాశాఖ సిబ్బంది, స్థానిక పలు కార్యాలయాల సిబ్బంది విద్యార్థులతో కలిసి వందేమాతరం గీతాన్ని ఆలపించారు.
* రాయవరం హైస్కూల్ వందేమాతరం
మండల కేంద్రమైన రాయవరంలో శ్రీ రామయ్య జిల్లా పరిషత్ ఉన్నత పాఠశాల ప్రాంగణంలో పాఠశాల ప్రధాన ఉపాధ్యాయురాలు విప్పర్తి శాంతి సునీత ఆధ్వర్యంలో విద్యార్థులతో కలిసి ఉపాధ్యాయులు వందేమాతరం గీతాలాపన చేసి, వందేమాతరం గీతం యొక్క చరిత్రను విద్యార్థులకు వివరించారు. అదే సమయంలో .
* రాయవరం జూనియర్ కళాశాల లో..
రాయవరం ప్రభుత్వ జూనియర్ కళాశాల ప్రిన్సిపల్ రామారావు అద్యక్షతన విద్యార్థులతో కలిసి ఉపాధ్యాయులు, స్థానిక బిజెపి కార్యకర్త నల్లమిల్లి రామకృష్ణారెడ్డి, సుబ్బారావులు వందేమాతరం గీతాన్ని ఆలపించి దేశభక్తి గేయం వెనక స్వాతంత్ర సమరయోధుల భావాలను ఆలోచనలను గుర్తు చేశారు. విద్యార్థులు 150 సంఖ్యగా ఏర్పడడం అబ్బురపరిచింది, ఈ కార్యక్రమంలో అధ్యాపక అధ్యాపకేత్ర సిబ్బందితోపాటు గ్రామ ప్రజలు పాల్గొన్నారు.
* దళిత వాడలో ఉద్యమంలా వందేమాతరం
మండల కేంద్రమైన రాయవరంలో స్థానిక దళితవాడలో గల ప్రైమరీ పాఠశాల వద్ద మండల విద్యాశాఖ అధికారి వై సూర్యనారాయణ అధ్యక్షతన పాఠశాల ప్రధానోపాధ్యాయులు, దళితవాడ పెద్దలు మందపల్లి నాగేశ్వరరావు, మచ్చా అబ్బులు, కట్టుంగ రాజేష్, చంద్రమల్ల సతీష్ , స్థానిక యువత, విద్యార్థులతో కలిసి వందేమాతర గీతాన్ని సమూహంగా అలపించారు. ఎంఈఓ సూర్యనారాయణ వందేమాతరం గీతం యొక్క సారాన్ని సారాంశాన్ని వారికి వివరించి ప్రోత్సహించారు.
* సోమేశ్వరం గ్రామంలో వందేమాతరం గేయ ఆలాపన
డాక్టర్ బి.ఆర్ అంబేద్కర్ కోనసీమ జిల్లా రాయవరం మండలం సోమేశ్వరం గ్రామంలో శుక్రవారం వందేమాతర గీతాల స్థానిక జనసేన పార్టీ గ్రామ శాఖ అధ్యక్షులు శాకా నాగేంద్ర ఆధ్వర్యంలో విద్యార్థులు గ్రామ పెద్దలు ఉపాధ్యాయులు అంతా కలిసి ఉదయం 10 గంటలకు వందేమాతర గీతాన్ని ఆలపించగా ,అనంతరం నాగేంద్ర మాట్లాడుతూ తెల్ల దొరల గుండెలలో భయాందోళనలను పుట్టించిన విప్లవస్వరం వందేమాతరం అన్నారు. ఈ సందర్భంగా పలువురు వందేమాతరం గీతం యొక్క వివరణను విద్యార్థులు, స్థానికులకు తెలిపుతూ దేశభక్తిని చాటగా అధిక సంఖ్యలో గ్రామస్తులు పాల్గొన్నారు.
