ఉజ్వల భవిష్యత్తును నాశనం చేసుకోవద్దు…
ఎస్సై బి రాము…
మండపేట టౌన్ పరిధిలో విద్యావికాస్ కళాశాలలో డాక్టర్ బిఆర్ అంబేద్కర్ కోనసీమ జిల్లా ఎస్పీ రాహుల్ మీనా ఆదేశాల మేరకు టౌన్ ఎస్ఐ బి రాము ఆధ్వర్యంలో డ్రగ్స్ వద్దు బ్రో…అనే అవగాహన సదస్సు నిర్వహించారు. ఈ సందర్భంగా టౌన్ ఎస్ఐ మాట్లాడుతూ నేటి యువత డ్రగ్స్ కు మత్తు పదార్థాలకు బానిసలు అవుతున్నారని, వారు వీటికి బానిసవ్వడం వల్ల వారి ఉజ్వల భవిష్యత్తు అంధకారంలోకి పోతుందని అందువల్ల వాటి జోలికి పోవద్దని సూచించారు. చదువుకునే వయసులో చదువు మీద దృష్టి పెట్టాలని అన్నారు. డ్రగ్స్ రహిత సమాజాన్ని నిర్మించేందుకు యువత తమ వంతు సహాయ సహకారాలు అందించాలని కోరారు. మహిళా రక్షణ చట్టాలు,ఫోక్స్ చట్టాలపై యువతి యువకులు అవగాహన కలిగి ఉండాలని తెలిపారు. ఈ కార్యక్రమంలో ఉపాధ్యాయులు, కళాశాల సిబ్బంది, పోలీస్ సిబ్బంది, కళాశాల విద్యార్థులు పాల్గొన్నారు.
