యూరియా లభ్యతపై నివేదికకు ప్రత్యేక అధికార బృందం

ఆంధ్రప్రదేశ్ రాష్ట్రంలో యూరియా లభ్యతపై భిన్నాభిప్రాయాలు వ్యక్తమవుతున్నాయి. రైతులకు యూరియా తగు పాలలో అందడం లేదని వైసిపి నాయకులు ఆరోపిస్తుండగా, కూటమి ప్రభుత్వం ఖండిస్తూ, అవి తప్పుడు ఆరోపణలని రాష్ట్రంలో అవసరమైనంత మేర యూరియా సరఫరా జరుగుతుందని వాదిస్తున్నారు. ఇందులో ఏది నిజమో తెలుసుకోవడానికి క్షేత్రస్థాయిలో పరిశీలించి రైతులతో మాట్లాడాలని డాక్టర్ బి.ఆర్ అంబేద్కర్ కోనసీమ జిల్లా కలెక్టర్ మహేష్ కుమార్ మండల అధికారులతో వీడియో కాన్ఫరెన్స్ ద్వారా మాట్లాడి మండలంలోని పలు గ్రామాలకు రైతులతో ప్రత్యేక అధికారి, ఎమ్మార్వో, అగ్రికల్చర్ ఆఫీసర్, హార్టికల్చర్ ఆఫీసర్ తో కూడిన బృందం సమావేశం ఏర్పాటు చేసి యూరియా సమస్యపై చర్చించాలని సూచించినట్లు రాయవరం మండల ఎమ్మార్వో ఐపీ శెట్టి ప్రకటన ద్వారా తెలిపారు. ఈ సమావేశాల ఏర్పాటు వివరాలు ఎలా ఉన్నాయి.

• సెప్టెంబర్ 7వ తేదీ ఉదయం 10:30 గంటలకు వెదురుపాక గ్రామంలో, అనంతరం మధ్యాహ్నం 12:30 గంటలకు లొల్ల గ్రామంలో రైతులతో సమావేశం నిర్వహించనున్నారని తెలిపారు
• సెప్టెంబర్ 8వ తేది ఉదయం 11:00 గంటలకు నదురుబాధ గ్రామంలో, సాయంత్రం 4:00 గంటలకు పసలపూడి గ్రామంలో సమావేశం జరుగుతుందన్నారు.
• సెప్టెంబర్ 9వ తేదీ ఉదయం 11:00 గంటలకు సోమేశ్వరం గ్రామంలో, సాయంత్రం 4:00 గంటలకు మాచవరం గ్రామాలలో సమావేశం నిర్వహించబడుతుందన్నారు
• సెప్టెంబర్ 10వ తేది ఉదయం 11:00 గంటలకు చెల్లూరు లో, సాయంత్రం 4:00 గంటలకు వెంటూరు గ్రామాలలో రైతులకు సమావేశం ఏర్పాటు చేయబడుతుంది
• సెప్టెంబర్ 11వ తేదీ ఉదయం 11:00 గంటలకు కురకాలపల్లి, సాయంత్రం 4:00 గంటలకు కూర్మాపురం గ్రామాలలో రైతులకు సమావేశాలు

జరగనున్నట్లు ఎమ్మార్వో ఐపి శెట్టి తెలిపారు.ఈ కార్యక్రమం ద్వారా రైతులు యూరియా కొరత పై తమ అభిప్రాయాలను తెలపాలని విజ్ఞప్తి చేశారు