జగ్గంపేట ఎమ్మెల్యే జ్యోతుల నెహ్రూ, కాకినాడ టిడిపి జిల్లా అధ్యక్షుడు జ్యోతుల నవీన్ ఆధ్వర్యంలో ఎన్టీఆర్ స్మారక మందిరం వద్ద నిర్వహిస్తున్న అన్నా క్యాంటీన్‌ ఈ సోమవారం గోకవరం మండలం వెదురుపాకకు చెందిన టీడీపీ సీనియర్ నాయకుడు పిల్లా అర్జున్ సారధి (చంటిబాబు), గోకవరం ఐటీడీపీ చాంపియన్ బత్తుల శ్రీనివాస సారంగదరుడు (ఎస్.బాబు) ఆర్థిక సహకారంతో నిర్వహించబడింది.
ఈ కార్యక్రమానికి ముఖ్యఅతిథిగా హాజరైన ఎమ్మెల్యే జ్యోతుల నెహ్రూ అన్న క్యాంటీన్‌ను ప్రారంభించి పేదలకు అన్నం వడ్డించారు. ఈ సందర్భంగా పిల్లా చంటిబాబు మాట్లాడుతూ, ప్రతిపక్షంలో ఉన్నా కూడా దాతల సహకారంతో నాలుగేళ్లుగా క్యాంటీన్‌ను నిరంతరం నిర్వహిస్తున్నామని తెలిపారు.
ఈ కార్యక్రమంలో ఎస్‌వీఎస్ అప్పలరాజు, మారిశెట్టి భద్రం, కొత్తకొండ బాబు, నండ్ల చిరంజీవి, బోదిరెడ్ల సుబ్బారావు, వేములకొండ జోగారావు, గొంతిన రాజు, డేగల సత్తిబాబు తదితరులు పాల్గొన్నారు.
