విశ్వంవాయిస్ న్యూస్, రాయవరం:
*గర్భిణీలకు బాలింతలకు వైయస్సార్ సంపూర్ణ పోషణ*
రామచంద్రపురం, విశ్వం వాయిస్ న్యూస్: రామచంద్రపురం పట్టణంలో సచివాలయం 7 నందు వైయస్సార్ సంపూర్ణ పోషణ పంపిణీ కార్యక్రమం జరిగింది. ఈ కార్యక్రమంలో ముఖ్య అతిథులుగా వార్డు కౌన్సిలర్లు పెంటపాటి శ్రీదేవి శ్రీనివాస్ మరియు పోతంశెట్టి వెంకట శ్యామల కృష్ణ పాల్గొని వైయస్సార్ సంపూర్ణ పోషణ కిట్లు అందజేశారు. ఈ సందర్భంగా కౌన్సిలర్లు మాట్లాడుతూ ప్రభుత్వం ప్రతిష్టాత్మకంగా 7,8,9 గర్భిణీలకు మరియు మొదటి నెల బాలింతలకు వైయస్సార్ సంపూర్ణ పోషణ ద్వారా అందించే 5 లీటర్ల పాలు 25 కోడిగుడ్లు మూడు కేజీల బియ్యం అదేవిధంగా వైయస్సార్ కిట్స్ ద్వారా 1 కేజీ అటుకులు, 1 కేజీ రాగి పిండి, 1 కేజీ సజ్జు పిండి, 250 గ్రాములుబెల్లం,250 గ్రాములు వేరుశెనగ చిక్కి, 750 గ్రాములు కందిపప్పు ₹400 గ్రాముల నూనె 250 గ్రాముల ఖర్జూరం వంటి పోషక పదార్థాలు టేక్ హోమ్ రేషన్ ద్వారా అందజేస్తున్నారని దీనిని పట్టణంలో ఉన్న ప్రతి ఒక్కరూ వినియోగించుకోవాలని సూచించారు. ఈ కార్యక్రమంలో అంగన్వాడీ వర్కర్ దిగుమర్తి లక్ష్మి మరియు సచివాల సిబ్బంది అదేవిధంగా గర్భిణీలు, బాలింతలు తదితరులు పాల్గొన్నారు.
