విశ్వంవాయిస్ న్యూస్, రాజమహేంద్రవరం సిటీ:
పదినుంచి ఇరవై వేలమంది కి పైగా హాజరయ్యే బహిరంగ సభలకు,క్రైసవ మహాసభలకు బీటా 3 సౌండ్ సిస్టమ్ ఎంతగానో ఉపయోగకరంగా ఉంటుందని ఈ సౌండ్ సిస్టమ్ సౌత్ ఇండియా పంపిణీ సంస్థ డెక్కన్ మ్యూజిక్ ప్రైవేటు లిమిటెడ్ ప్రతినిధులు చెప్పారు. గోదావరి గట్టున ఉన్న త్యాగరాజ నారాయణ సమితి కల్యాణ మండపంలో సోమవారం ఉదయం నుంచి సాయంత్రం వరకు బీటా 3 సౌండ్ సిస్టమ్ లైవ్ డెమో జరిగింది.జిల్లాలోని వివిధ ప్రాంతాల నుంచి పెద్ద సంఖ్యలో పాస్టర్లు,సౌండ్ సిస్టమ్స్ యజమానులు హాజరయ్యారు.ఈ సందర్భంగా బీటా 3 సౌండ్ సిస్టమ్ సౌత్ ఇండియా పంపిణీ సంస్థ ప్రతినిధులు మాట్లాడుతూ ఈ ఆడియో సిస్టమ్ మనకు కొత్త అయినప్పటికీ ఇప్పటికే సుమారు 80 నుంచి 100 దేశాల్లో బీటా 3 ఆడియో సౌండ్ సిస్టమ్ ప్రాచుర్యం పొందిందన్నారు.భారీ బహిరంగ సభలు జరిగినప్పుడు ఈ ఆడియో సిస్టమ్ అందరికీ స్పష్టంగా వినపడడానికి దోహదపడుతుందని చెప్పారు. వేలాదిగా జనం తరలివచ్చిన సభల్లో కూడా వక్తలు,ప్రసంగీకుల సందేశాలు చివర వరుసలో ఉన్న వారికి కూడా వినిపించేలా చేయడం బీటా 3 సౌండ్ సిస్టమ్ ప్రత్యేకత అని వివరించారు.తక్కువ ధరకు అందుబాటులో ఉండే ఈ ఆడియో సౌండ్ సిస్టమ్ ను కొనుగోలు చేయడంవల్ల ప్రైవేటు సౌండ్ సిస్టమ్ ఆపరేటర్లకు ఎంతో ఉపయోగకరంగా ఉంటుందన్నారు. వారికి అద్దె రూపంలో త్వరితగతిన ఆదాయం సమకూరుతుందని చెప్పారు. శ్రీ సత్య సౌడ్ సిస్టమ్ అధినేత గుళ్ళిపల్లి వెంకటేశ్వరరావు ఆధ్వర్యంలో జరిగిన ఈ లైవ్ డెమో కార్యక్రమంలో సూర్య సప్లయ్ కంపెనీ అధినేత బొట్ల సూర్యారావు,మండపేటకు చెందిన సి.హెచ్.రాజు, జిల్లా లోని వివిధ ప్రైవేట్ సౌండ్ సిస్టమ్స్ యజమానులు, పలువురు పాస్టర్లు పాల్గొన్నారు.
