తాళ్లరేవులో కామ్రేడ్ పుచ్చలపల్లి సుందరయ్య వర్ధంతి
ఘనంగా నిర్వహించిన సిపిఎం నాయకులు
విశ్వంవాయిస్ న్యూస్, తాళ్ళరేవు:
తాళ్ళరేవు మండల కేంద్రమైన ప్రజాసంఘాల భవనంలో కామ్రేడ్ పుచ్చలపల్లి సుందరయ్య వర్ధంతిని సిపిఎం నాయకులు ఘనంగా నిర్వహించి నివాళులర్పించారు. ఈ సందర్భంగా పలువురు కమ్యూనిస్టులు పుచ్చలపల్లి సుందరయ్య చిత్రపటానికి పూలమాలలు వేసి నివాళులు అర్పించడం జరిగింది. అనంతరం వర్ధంతిని పురస్కరించుకొని కామ్రేడ్ పుచ్చలపల్లి సుందరయ్య పేరిట మజ్జిగ చలివేంద్రం ప్రారంభించారు. ఈ కార్యక్రమంలో మాజీ కాకినాడ మార్కెట్ చైర్మన్ ఉంగరాల వెంకటేశ్వరరావు, వ్యవసాయ కూలీ సంఘం నాయకులు టేకుమూడి ఈశ్వరరావు, ఇతర కమ్యూనిస్టు నాయకులు సిపిఎం నాయకులు పాల్గొని నివాళులర్పించిన వారిలో ఉన్నారు.
