దివ్యాంగుడి అభ్యర్థనకు అదిరిపోయే బహుమానం

తనకు బ్యాటరీ వాహనం ఇప్పించాలని రాష్ట్ర జలవనరుల శాఖ మంత్రిని కలిసిన దివ్యాంగుడి కి సొంత ఖర్చులతో బ్యాటరీ వెహికల్ ను ఇంటికి పంపిస్తామని రాష్ట్ర ఐటీ శాఖ మంత్రి నారా లోకేష్ ట్విట్టర్ ద్వారా తెలిపారు. డాక్టర్ బి.ఆర్ అంబేద్కర్ కోనసీమ జిల్లా, రాయవరం మండలం చెల్లూరు గ్రామానికి చెందిన వెంకటేశ్వరరావు ఇటీవల కాలంలో పాలకొల్లు నియోజకవర్గం లో పర్యటనలో ఉన్న రాష్ట్ర జలవనురుల శాఖ మంత్రి నిమ్మల రామానాయుడు ను ఆటోలో వెళ్లి కలిసారు. ఆయనతో వెంకటేశ్వరరావు మాట్లాడుతూ తాను విరాభిమానినని, రాష్ట్ర ముఖ్యమంత్రి చంద్రబాబు నాయుడు తో ఫోటో దిగాలని తెలపగా మంత్రి స్పందించి ముఖ్యమంత్రి ఇటువైపు పర్యటనకు వచ్చినప్పుడు ఏర్పాటు చేద్దామని తెలపారు, అనంతరం తాను వికలాంగుడవడంతో ఎక్కడికి వెళ్ళలేక ఇబ్బంది పడుతున్నానని బ్యాటరీ వాహనం ఏదైనా ఇప్పించాలని కోరగా. వెంటనే మంత్రి నిమ్మల మండపేట నియోజకవర్గ శాసనసభ్యులు వేగుళ్ళ జోగేశ్వరరావుతో ఫోన్లో మాట్లాడి సబ్సిడీలో వికలాంగులకు ఏదైనా వాహనం వస్తే మొదటి ప్రాధాన్యతగా వెంకటేశ్వరరావుకి ఇవ్వాలని కోరారు. కాగా ఈ తదంగమంతా వీడియో రూపంలో సోషల్ మీడియాలో వైరల్ అవ్వగా ఆ వీడియోను వీక్షించిన రాష్ట్ర ఐటీ, విద్యాశాఖ మంత్రి నారా లోకేష్ ట్విట్టర్ ద్వారా ఆ వాహనాన్ని సొంత ఖర్చులతో తానే అందిస్తానని, దివ్యాంగులు ఇంటి వద్దకే అది చేరుతుందని హామీ ఇచ్చారు. కాగా సోషల్ మీడియా ద్వారా  సమస్లయల పై వెంటనే స్పందించడమే కాక ఉదారత చాటుకుంటున్న ఐటీ శాఖ మంత్రి లోకేష్ విధానంపై టిడిపి కార్యకర్తలు సంబర పడిపోతూ, లోకేష్ ను ప్రశంసిస్తున్నారు.