పడిపోయిన, నీటి మునిగిన 4562 హెక్టార్ల విస్తీర్ణం.
7570 మంది రైతులకు పంటనష్టం
మండల వ్యవసాయ అధికారి కెవిఎన్ రమేష్ కుమార్
మొథా తుఫాను తీవ్రత కారణంగా డాక్టర్ బి.ఆర్ అంబేద్కర్ కోనసీమ జిల్లా, మండల వ్యాప్తంగా పడిపోయిన, నీట మునిగిన వరి పంట పొలాలను రాయవరం మండల వ్యవసాయాధికారి కెవిఎన్ రమేష్ కుమార్ బుధవారం సందర్శించారు. మాచవరం, చెల్లూరు, వెంటూరు, కురకాళ్లపల్లి, కూర్మాపురం గ్రామాల్లోని పంట పొలాలను పరిశీలించిన ఆయన విలేకరులకు వరి పంట నష్టం ప్రాథమిక అంచనాను తెలిపారు. 
ఈ సందర్భంగా ఆయన మాట్లాడుతూ మండల వ్యాప్తంగా 4562 హెక్టార్ల విస్తీర్ణంలో పంట నష్టం సంభవించిందని వాటిలో 1879 హెక్టార్ల విస్తీర్ణంలో పంట నీట మునగగా, 2683 హెక్టార్ల విస్తీర్ణంలో నేల కొరిగినట్లు పేర్కొంటూ, సుమారుగా 7570 మంది రైతులు నష్టపోయినట్లు ప్రాథమిక అంచనాను తెలిపారు. ఈ కార్యక్రమంలో గ్రామ నాయకులు, రైతులు, గ్రామ వ్యవసాయ సహాయకులు , గ్రామ రెవెన్యూ అధికారులు, తదితరులు పాల్గొన్నారు.
