వచ్చే ఎన్నికల్లో రెట్టింపు ఉత్సాహంతో విజయకేతనం ఎగరవేసే విధంగా ప్రతి ఒక్కరు కృషి చేయాలి..

విశ్వంవాయిస్ న్యూస్, రాయవరం:

రెట్టించిన ఉత్సాహంతో వచ్చే ఎన్నికల్లో విజయకేతనం ఎగరవేసే విధంగా కృషి చేయాలని ఎమ్మెల్సీ తోట త్రిమూర్తులు తనయుడు యువ నేత తోట పృథ్వీ రాజ్ పేర్కొన్నారు. ఆదివారం మండల కేంద్రమైన రాయవరంలో వైయస్సార్ కాంగ్రెస్ పార్టీ 13వ ఆవిర్భావ దినోత్సవాన్ని జిల్లా ప్రచార కమిటి చైర్మన్ సిరిపురపు శ్రీనివాస్, ఎం పి పి నౌడు వెంకటరమణ అద్వార్యలో ఘనంగా నిర్వహించారు. ఈ కార్యక్రమానికి ఎమ్మెల్సీ తోట త్రిమూర్తులు తనయుడు యువ నేత తోట పృథ్వీ రాజ్ ముఖ్యఅతిథిగా హాజరైయారు. తోలితగా వైయస్సార్ విగ్రహానికి పూలమాలలు వేసి నివాళ్ళు అర్పించారు. ఈ సందర్భంగా పృథ్వి మాట్లాడుతూ ముఖ్యమంత్రి జగన్ మోహన్ రెడ్డి స్వచ్ఛమైన పాలన ను ఆంధ్రప్రదేశ్ రాష్ట్ర ప్రజలకు అందిస్తున్నారని , అదే విధంగా రాష్ట్ర శాసనమండలి సభ్యులు తోట త్రిమూర్తులు సహకారంతో మండపేట నియోజకవర్గం అన్ని రంగాల్లో అభివృద్ధి సాధించే విధంగా కృషి చేస్తానని తెలిపారు. ముఖ్యమంత్రి జగన్మోహన్ రెడ్డి పార్టీని స్థాపించి, పేదల సంక్షేమమే అజెండాగా పాలన సాగిస్తున్నారన్నారు. పార్టీ ఆవిర్భావ దినోత్సవాన్ని పురస్కరించుకొని మనమంతా రెట్టింపు ఉత్సాహంతో వచ్చే ఎన్నికల్లో విజయకేతనం ఎగరవేసే విధంగా కృషి చేయాలని పిలుపునిచ్చారు. అనతరం ఆవిర్భావ దినోత్సవ కేకును కత్తిరించి స్వీట్లు పంచుకున్నారు. ఈ కార్యక్రమంలో గ్రామ సర్పంచ్ చంద్రమళ్ళ రామకృష్ణ, వైస్ సర్పంచ్ బొడ్డు శ్రీను, కో ఆప్షన్ సభ్యుడు సుధాకర్, అనపర్తి మార్కెటింగ్ డైరెక్టర్ తేతలి సుబ్బరామిరెడ్డి, కెవిఆర్ హాస్పిటల్ అధినేత తేతలి నవీన్ రెడ్డి, ప్రముఖ న్యాయవాది తాడి రామచంద్ర రెడ్డి, వైయస్సార్ కాంగ్రెస్ పార్టీ సీనియర్ నాయకులు పడాల కమలారెడ్డి, ఆంజనేయ రెడ్డి, కొల్లు రాంబాబు, అడ్డూరి సూరిబాబు, గ్రామ పంచాయతీ వార్డ్ మెంబర్లు, సచివాలయ కన్వీనర్లు, గృహ సారథులు, వాలంటీర్లు, వైయస్సార్ కాంగ్రెస్ పార్టీ అభిమానులు, నాయకులు ,కార్యకర్తలు, ప్రజలు పాల్గొన్నారు.