విశ్వంవాయిస్ న్యూస్ డెస్క్, ఏటపాక:
ఎటపాక , విశ్వం వాయిస్ న్యూస్ : మండలంలోని తోటపల్లి గ్రామంలో సోమవారం మధ్యాహ్నం అకస్మాత్తుగా పిడుగు పడిన నేపథ్యంలో తీవ్రవిషాదం చోటుచేసుకుంది. ఇంటి వెనుక పని చేస్తున్న త్రిపుర పెంటవీడు ఎంపిటీసి చుండ్రు శ్రీదేవి పిడుగుపాటుకు గురై అక్కడికక్కడే దుర్మరణం పాలయ్యారు. ఎంపిటీసి శ్రీదేవికి భర్త మల్లేశ్వరరావు , కుమారుడు , కుమార్తె ఉన్నారు. ఎంపిటీసి శ్రీదేవి మరణవార్త తెలుసుకున్న అరకు పార్లమెంట్ తెదేపా అధికార ప్రతినిధి మువ్వ శ్రీనివాస్ , అరకు జిల్లా రైతు విభాగం అధ్యక్షులు కనూరి బుల్లయ్య , విస్సాపురం మాజీ ఎంపిటిసి నిడదవోలు సూర్యనారాయణ చౌదరి , తెదేపా నాయకులు బొల్లా పుల్లయ్య ఎంపిటీసి శ్రీదేవి భౌతిక కాయాన్ని సందర్శించి నివాళులర్పించారు. ఎంపిటీసి శ్రీదేవి కుటుంబ సభ్యులను పరామర్శించి ప్రగాఢ సానుభూతి తెలియజేశారు. ఎంపిటీసి శ్రీదేవి మృతితో తోటపల్లి గ్రామంలో విషాదఛాయలు అలుముకున్నాయి.
