విశ్వంవాయిస్ న్యూస్ డెస్క్, పి గన్నవరం:
పి గన్నవరం (విశ్వం వాయిస్ న్యూస్)
మండలం లోని లంకల గన్నవరం గ్రామం వేమన వారి పాలెం వద్ద వేంచేసియున్న శ్రీ భద్రాద్రి చతుర్భుజ సీతారామ స్వామి వారి ఆలయ వార్షిక ఉత్సవాల్లో భాగంగా గురువారం వేదపండితులు ప్రత్యేక పూజా కార్యక్రమాలు నిర్వహించారు. ఈ మేరకు వేదపండితులు స్వస్తి వచనాలు విశ్వక్సేన పూజ, పుణ్యాహవచనం, ఐశ్వర్య లక్ష్మి హోమం, మహా పూర్ణాహుతి, సాముహిక లక్ష కుంకుమార్చన, నీరాజనం, మహదాశీర్వచన తదితర పూజా కార్యక్రమాలు నిర్వహించారు. ఈ మేరకు పి.గన్నవరం మండల పరిషత్ అధ్యక్షురాలు అంబటి భూలక్ష్మి కోటేశ్వరరావు స్వామివారిని దర్శించుకున్నారు. అదేవిధంగా వేడుకలను తిలకించేందుకు వచ్చిన వందలాది భక్తులకు అన్నసమారాధన కార్యక్రమాన్ని నిర్వహించారు. ఈ కార్యక్రమంలో ఆలయ కమిటీ సభ్యులు, గ్రామస్తులు పాల్గొన్నారు.
